Nodi Khoje Hatimare Mae Jiu 76:8 - Buka Blahi Ka Cheke Holo

^8-9 Iagho au kligna, eghuteuna iagho edi naikno ka nauthoglu gne mala lase fakelini gaoghathomu iagho na. Naugna igne, kate fatedi iagho naikno te gnafare nei fakarhidi iheire te au papara teure, naikno te gnafa ka nauthoglu igne ne mhaghu nodi fara ne au kmu.

Nodi Khoje Hatimare Mae Jiu 76:8 ပူးပေါင်းရင်းမြစ်များ

Profet Habaku 2:20

Nu Lord na theome jateula mumuju eghu. Theo. Mana au ka nogna Sugablahi kligna, eghuteuna naikno te gnafa ka nauthoglu igne mala au kmu nei fanomho eghu ka mana.

Profet Sekaraea 2:13

Eghume tahati gnafa ka nauthoglu igne mala au kmu ke ulugna Lord, naugna gognarona, mana jifla mei ka nogna vido blahi kligna.

Nodi Khoje Hatimare Mae Jiu 46:10

God ne cheke eghu ka naiknore, “Thosei magra! Filo si ghotilo, iara God! Iara nodi king naikno te gnafa ka namono te gnafa ka nauthoglu gne.”

Ululahu Kronikols 16:30

Ghotilo naikno te gnafa ka nauthoglu ra, ghotilo ghatho tahuni mana! Lord neke vuavuha nauthoglu igne mala au rheta mala theome tangomana te nghali na.

Jajis 5:20

Nathunu ka maloa na igre jaola loku fodu mala magra. Nathunu igre au ka nodi vido re magra ka funei biꞌo Sisera.

Eksodas 19:10

Eghuteuna Lord ne cheke eghu ka mae Moses, “Iagho ke pulo ka naikno ra mala cheke ranghidi gognaro nei nathuꞌu iagho ginauna fablahidi, mala tangomana mare te pogho soru ka iara na. Mare mala jaola titihi fagae nodi pohere,

Fapea Kings 22:13

“Ghotilo tei hironi gaoghathogna Lord na eigu iara, eidi naikno igre nei naikno te gnafa agne Juda eidi unha teke rioriso soru ka buka teke filoni mare igne. Lord diꞌatagna fara ka tahati, naugna kuꞌeda tahati ra neke theome leghudi unha te chekedi mala edi tahati teku ka buka na igre.”

Ululahu Kronikols 16:25

God na fnakno kligna lahu. Uve, tahati pala hagheni nanghagna mana na. Mana haghe fara tulao salaꞌudi keha god are. Tahati mala ghatho tahuni mana kolho.

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Thoutonu Eigna Mae Job 25:2

“God mae ihei te au nolaghi fateote'o igne mana saghe leghudi gobigna lepo re, eghuteuna nogna nolaghi mana igne toghodi naikno te gnafare mala ghatho tahuni mana. Mana tangomana te fadoglidi gobigna lepo kligna re.

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Profet Jeremaea 49:19

“Naoka na ginauna mei jateula lion te jifla mei rhegna Khoꞌu biꞌo Jordan te mei ka vido te au sipu tagna ra eghu na megei nga mei. Eghuteuna naiknodi Idom ginauna rikha kokoni nodi kantri na. Aonu iara ginauna vavahi kaisei mae te magnahagheni iara na mala funei fruni ka kantri igne. Theo kaisei mae jateula iara teuna! Ihei gne tangomana nate tapla fapari ghau iara na? Thono theo fara. Eigna theo kaisei mae te funei fruni te au nogna nolaghi te mala tapla fapari ghau iara na.”

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.