Nodi Khoje Hatimare Mae Jiu 76:2 - Buka Blahi Ka Cheke Holo

² Namonogna God na Jerusalem. Uve, mana au ka Thogele Saion.

Nodi Khoje Hatimare Mae Jiu 76:2 ပူးပေါင်းရင်းမြစ်များ

Jenesis 14:18

Mae Melkisedek gne mana mae king gna ka namono Salem. Mana neke kaisei mae pris nogna God, mae ihei te fnakno fara. Mana hata ne mei keha bret nei waen eghu ka mae Ebram.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Fapea Kronikols 6:6

Nu iara vahini Jerusalem namono aheva te mala tufru soru ghau iara, eghuteuna iara neke vahini Devet mala king frunidi nogu naikno iara Israel.’ ”

Lamentations 2:6

Lord ne paꞌe soru nogna Sugablahi na, jateula grorofe ka thobi ra neu. Narane biꞌo nei narane Sabat teu igre, mana bobotho nagnafadi naiknodi Saion mala ghatho ihodi narane biꞌo igre. Naugna mana diꞌatagna fara ka mare, eghuteuna mana theome magnahaghedi mae king nei mae pris teu igre.

Nodi Khoje Hatimare Mae Jiu 27:5

Kate thoke mei puhi biꞌo ka iara na, mana ginauna pophoru ghau iara ka nogna suga na. Mana ginauna bobotho grengatha na mala pophoru fakeli ghau iara mala jateula te au teu iara ka phaꞌu thina biꞌo kligna ra eghu mala theome tangomana nogu naoka iara gre te mei te mala roꞌe ghau iara na.

Nodi Khoje Hatimare Mae Jiu 9:11

Tahati koje kilo fnaknoni Lord, mae ihei te king ka namono Saion. Tahati mala toutonuni nogna gloku te keli ka naikno te gnafa te au heva heva.