Nodi Khoje Hatimare Mae Jiu 74:8 - Buka Blahi Ka Cheke Holo

⁸ Mare magnahaghei fara te goigoni ghami ghehati. Aonu mare ne nako ka khaꞌaghi vido te gnafa te mala tarai ghehati ka kantri igne.

Nodi Khoje Hatimare Mae Jiu 74:8 ပူးပေါင်းရင်းမြစ်များ

Nodi Khoje Hatimare Mae Jiu 83:4

Hatimare mae naoka gre cheke eghu, “Ari si tahati mala goigoni tahati nodi kantri mare tuana! Uve, mala theo kaisei naikno te ghathoni Israel gne!”

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Nodi Khoje Hatimare Mae Jiu 137:7

Lord God, ghathodi sagho glepo te diꞌa te cheke meidi ka ghehati naiknodi Idom gre, ka narane teke mei mae Babilon teke magra ka ghehati Jerusalem ia. Naiknodi Idom gre neke cheke eghu fabrahu, “Paꞌe soru namono biꞌo tuana, paꞌe soru pari!”

Fapea Kings 4:23

Nu mae khetogna na ne cheke eghu ka naꞌa, “Naugna unha sagho te magnahaghei tei ngala gognaro gnea? Theome narane Sabat, nei theome narane khafa la ngau eghu.” Naikno biꞌo igne ne cheke eghu, “Thosei nanga nou. Keliu kolho!”

Fapea Kings 2:5

Kaisei tothoghei profet na jaola au jare Jeriko. Mare mei ne filoni mae profet Elisa, eghuteuna mare ne cheke eghu ka mana, “Gognaro na Lord ginauna hata tei nou mae funei iagho igne. Iagho laseni igne ba theo?” Eghuteuna mae Elisa ne cheke eghu, “Iara lasenihi, nu ghotilo theome tangomana te cheke eigna igne na.”

Fapea Kings 2:3

Kaisei tothoghei profet na au jare Betel. Mare mei ne filoni profet Elisa, ne cheke eghu ka mana, “Gognaro na Lord ginauna hata tei nou mae funei iagho gne. Iagho laseni ngau tuana ba theo?” Mana ne cheke eghu, “Uve, iara lasenihi, nu ghotilo theome tangomana te cheke eigna igne na.”

Fapea Kronikols 17:9

Mae igre hata nogna Buka Vetula Lord na ne tei ka namono te gnafa Juda igre mala farirhiudi naiknore.

Nodi Khoje Hatimare Mae Jiu 83:5

Mare ne kaisei gaoghatho ka nodi groghe na ne salo fodu te mala magra ka iagho na.