Nodi Khoje Hatimare Mae Jiu 74:7 - Buka Blahi Ka Cheke Holo

⁷ Mare paꞌe soru nou Sugablahi iagho gne ne nako ka khaꞌaghi. Mare goigoni fara vido te mala tufru soru nigho iagho ia mala theome blahi naꞌa.

Nodi Khoje Hatimare Mae Jiu 74:7 ပူးပေါင်းရင်းမြစ်များ

Fapea Kings 25:9

Mana ne gnubra nogna Sugablahi Lord na, balugna nogna suga biꞌo king na, nei suga te gnafa Jerusalem. Mana goigoni fahui suga te ulu ke lamnagna namono biꞌo igne.

Nodi Khoje Hatimare Mae Jiu 89:39

Iagho la theome leghunihi u nhaꞌa cheke teke eni iagho ka nou mae gloku gne. Iagho jateula te hata nogna khepi mana na te koko lao ka chopu ra eghu kolho.

Matiu 22:7

Aonu, mae funei na diꞌatagna fara ka mare. Mana ne cheke eghu ka nogna mae soldiare, ‘Tei ghotilo mala falehedi naikno te falehedi nogu mae gloku iara ra, nei gnubra fateo nodi namonore eghu.’ Hatimare leghuni nogna cheke mae funei na ne eni igne.

Profet Esikiel 24:21

iara mala cheke ka ghotilo naiknomi Israel. Lord God neke cheke eghu: Ghotilo kelitami fara ka nogu Sugablahi iara na. Eghuteuna ghotilo tangomana te poru ka Sugablahi gne mala au fakeli nei fahaehaghe ghami eghu te au ke lamnagna na, nu iara ginauna roꞌe soru Suga igne. Eghuteuna goro sua teke lisei faleghu ghotilo Jerusalem igre ginauna kafe lehe ka magra.

Lamentations 2:2

Suga te gnafa ka namono te gnafa Juda igre, Lord theome kokhoni nognadi. Mana diꞌatagna fara ne paꞌe soru ne gnafa suga mala poru ka namono igne. Mana goigoni fahui kantri igre baludi hatimare mae funei te gnafa igre mala mamaja nodi naiknore.

Profet Isaia 64:11

Nou Sugablahi iagho igne neke blahi fara nei famane fara neku. Ku'emi ghehati tifa ra neke mei tufru soru nigho ke lamnagna. Nu gognarona khaꞌaghi la goigonihi. Eghuteuna nomi famane glepo te gnafa ghehati ra la thofno diꞌa fara.

Ululahu Kings 8:20

“Eghume, u nhaꞌa cheke teke eni Lord igne la thoke mei tutuani fara gognarona. Iara tughuni kmagu mala king gna Israel, eghuteuna iara horo nogna Sugablahi mana igne mala pogho soruni tahati Nanghagna Lord noda God tahati naiknoda Israel.

Diutronomi 12:5

Nu ghotilo mala filoni kaisei vido blahi kolho aheva Lord nomi God nate vahini te mala au fabrahu nanghagna mana na jare eghuteuna ghotilo mala ghatho tahuni nanghagna mana na. Ka vido blahi tuana kolho

Eksodas 20:24

“Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.

Levitikas 26:31

Iara ginauna goigoni fahui nomi namono ghotilo are, eghuteuna paꞌe soru nomi vido blahi ghotilo are. Iara ginauna tirogudi sisiridi nomi fafara ghotilo are.

Fapea Kronikols 36:19

Aonu mare ne gnubra nogna Sugablahi God na, balugna nogna suga biꞌo king na, nei keha suga Jerusalem, nei jaola famane glepo te gnafa re. Mare jaola ne paꞌe soru gringni biꞌogna namono Jerusalem te bara te ligoho ka thina na.

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.

Lamentations 2:6

Lord ne paꞌe soru nogna Sugablahi na, jateula grorofe ka thobi ra neu. Narane biꞌo nei narane Sabat teu igre, mana bobotho nagnafadi naiknodi Saion mala ghatho ihodi narane biꞌo igre. Naugna mana diꞌatagna fara ka mare, eghuteuna mana theome magnahaghedi mae king nei mae pris teu igre.

Profet Esikiel 7:24

Iara ginauna snakredi mae te diꞌa puhidi ka keha kantri are mala mei hata nodi namono nogu naikno iara re. Eghuteuna mae te nheta fara te fahaehaghedi are, ginauna theo nodi nolaghi. Mae naoka ginauna fachara ka nodi vido mala tarai mare re.