Nodi Khoje Hatimare Mae Jiu 74:3 - Buka Blahi Ka Cheke Holo

³ Filo sagho, hatimare mae naoka gre mare goigonidi fara gobigna lepo te au ka nou Sugablahi iagho na. Te keli na iagho mei filodi glepo teke goigoni mare igre.

Nodi Khoje Hatimare Mae Jiu 74:3 ပူးပေါင်းရင်းမြစ်များ

Profet Daniel 9:17

“God, fanomho mei ka nogu tharai iara nou mae gloku gne. Iara tore nigho mala ke babana fapulo iagho nou Sugablahi gne mala laseni naiknore te iagho ngala Lord na.

Lamentations 1:10

Mae bongihehe teke chekedi Lord mala thosei tei ruma lamna Sugablahi teku igre, Jerusalem ne filodi mare te tei ruma lamna Sugablahi na, eghuteuna mare blau glepo blahire.

Nodi Khoje Hatimare Mae Jiu 79:1

God, naikno bongihehe igre la ruma mei hila ka kantri mala nomi ghehati teku iagho igne. Uve, mare la mei goigonihila nou Sugablahi iagho gne, eghuteuna mare la fadidiꞌa hila namono biꞌo Jerusalem.

Luku 21:24

Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Nonomho Te Keli Teke Risoi Mae Mak 11:17

Ke leghugna igne mana ne farirhiudi naiknore ne cheke eghu, “Chekegna God kau grioriso te blahi na cheke eghu agne, ‘Sugagu iara na mare ginauna na kiloni suga tharai maladi naikno ka namono te gnafa ka nauthoglu igne.’ Nu ghotilo ke eni suga igne mala porudi mae iheire te lase blau re!”

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Maeka 1:3

Tore! Lord ginauna soru mei mala nolo ke kligna thogele.

Profet Daniel 11:31

“Nogna soldia manare ginauna ruma ka nogna Sugablahi God na, eghuteuna Sugablahi igne ginauna thona ka tathagna God na. Mare ginauna na theome snakredi naiknore te mala fafara leuleghu narane na, eghuteuna mare ginauna lilisei haghe kaisei glepo te thono diꞌa fara ke lamnagna nogna suga God na.

Profet Daniel 9:27

King igne ginauna eni kaisei nhaꞌa cheke baludi kmana naikno nabagna fitu finogha. Farihoteidi narane tuare, mana ginauna na theome snakredi naiknore mala fafara, ba tusu lao kaisei glepo ka God. King ginauna lilisei haghe kaisei glepo te thono diꞌa fara ke lamnagna nogna Sugablahi God na. Glepo tuana ginauna au ka vido tuana ghilei thokeni narane leghu lahu teke lilisei God malagna mae ihei teke eni glepo te diꞌa igne.”

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.

Profet Isaia 61:4

“Mare ginauna nake babana fapulo namono biꞌo teke diꞌa tifa ra, eghuteuna mare ginauna nake horo fapulo suga te gnafa teke goigoni mae naoka tifa ra.

Profet Isaia 25:10

Lord ginauna doadofrani nei reireghini eghu Thogele blahi Saion. Nu mana ginauna na tapla ke klignadi naiknodi Moab, jateula buluka te tapla ke klignadi buburu eghuteuna buburu igre chakhi ka charagna thegnare lamna chopu ra eghu.

Profet Isaia 10:6

Iara ginauna kuru meidi mae naoka re mala magra ka ghotilo, naugna ghotilo ne tei koko ghau iara neke bongihehe fapulo. Iara ginauna snakredi mae naoka igre mala para ghami ghotilo, naugna ghotilo ne fa ngingiri ghau iara. Maedi Asiria ginauna mei goigoni nomi namono ghotilo gre, nei blau nomi glepo ghotilo gre eghu. Mare ginauna tapla ke klignami ghotilo, jateula ihei te tapla ke kligna chopu ra eghu.

Nodi Khoje Hatimare Mae Jiu 44:26

Mei sagho mala togho ghami ghehati! Naugna iagho namha ghami ghehati fara, mei sagho fakarha ghami ghehati.

Nodi Khoje Hatimare Mae Jiu 44:23

Lord, dofra sagho! Thuru unha sagho ia? Faghose mei, thosei thodo ghami ghehati!

Nehemaea 2:13

Ka bongi tuana, ghehati ne tei salaꞌu ka Grengatha Glogu ke mosu namono. Eghuteuna ghehati tei ke mata leghuni gringni thina na mala tei posa ka Nogna Glokha Khoꞌu Mogo nei Grengatha mala Hata Koko Chara, jare ke mata khukrugna gringni thina na. Ghehati tei ne filodi vido gringni thina teke goigoni mae naoka tifa ra, baludi grengatha teke gnhubra ka khaꞌaghi ra.

Nehemaea 2:3

ne cheke eghu ka king, “Iagho king fabrahu tifa tifa! Uve, iara diꞌanagnafagu fara, naugna nogu namono iara aheva teke giugiludi vikegu iara tagnara la groꞌehi. Eghuteuna grengathagna gringni thina na la gnhubrahi ka khaꞌaghi.”

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Josua 10:24

Eghuteuna mae Josua ne cheke eghu ka ofisa te gnafa nogna armi na, “Ghotilo kafe mei agne mala tapla ka graradi mae king igre.” Aonu mare kafe mei ne tapla ka graradi glima mae king igre ke uludi naikno gna Israel.

Thakle 11:2

Nu iagho thosei fananaba vido ke kosigna Sugablahi ana, naugna vido tuana la snakrenihi mare ka hatimare mae te theome Jiu are. Mare ginauna goigoni ni Jerusalem naba phia tutu phei nhigra.

Fapea Kings 25:9

Mana ne gnubra nogna Sugablahi Lord na, balugna nogna suga biꞌo king na, nei suga te gnafa Jerusalem. Mana goigoni fahui suga te ulu ke lamnagna namono biꞌo igne.