Nodi Khoje Hatimare Mae Jiu 74:23 - Buka Blahi Ka Cheke Holo

²³ Nou naoka iagho gre mare eha fadiꞌa nigho fabrahu kolho. Eghume iagho thosei ghatho iho te mei paradire eghu.

Nodi Khoje Hatimare Mae Jiu 74:23 ပူးပေါင်းရင်းမြစ်များ

Profet Isaia 37:29

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.

Nodi Khoje Hatimare Mae Jiu 65:7

Iagho ngala te tangomana te fabeatadi u nhorora te maraghata gre. Eghuteuna iagho famuanadi galo biꞌo te oa'ongha gre. Eghuteuna iagho tangomana te famuanadi iheire te fari fapholai.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Profet Jona 1:2

“Iagho tei ka namono biꞌo Ninive. Toutonu ka naikno te au ka namono biꞌo tuana, naugna iara filoni puhidi mare na thono diꞌa fara.”

Lamentations 2:16

Nou naoka iagho igre maꞌe nigho iagho eha eghu fabiꞌo, “Tahati la goigoni nodanihi! Igne narane teke ofoni tahati ia, eghuteuna narane igne la meihi!”

Nodi Khoje Hatimare Mae Jiu 74:4

Nou naoka iagho gre neke eha fabiꞌo ke lamna nou Sugablahi iagho, naugna mare la ulu ghami hila ghehati ka magra na. Mare gognaro na la rafe haghe hila nodi flagi na jare, fagaglana eigna mare tela ulu ghamihila ghehati na.

Nodi Khoje Hatimare Mae Jiu 13:1

God, niha nau iagho nate ghatho ghau iara na? Ba, iagho la ghatho iho ghauhila iara fabrahu tifa e tifa? Ba niha nau iagho nate snakre ghau iara te mala filoni tathamu na?