Nodi Khoje Hatimare Mae Jiu 74:22 - Buka Blahi Ka Cheke Holo

²² God, mei sagho mala cheke fajifladi eidi unha te edi iagho re doglou kolho. Ghathodi sagho iheire te theome fatutuani nigho gre, mare maꞌe nigho leuleghu narane funu hamerane ghilei posa fei grafi.

Nodi Khoje Hatimare Mae Jiu 74:22 ပူးပေါင်းရင်းမြစ်များ

Nodi Khoje Hatimare Mae Jiu 74:18

Lord God, ghathodi sagho mae naoka te maꞌe nigho gre. Mare theome fatutuani nigho, nei cheke fapaiparini eghu nanghamu iagho na.

Profet Isaia 52:5

Eghume unha nate eni iara gognarona? Mare neke atha ghami ghotilo mala loku jateula nodi naikno sneka neku, eghuteuna mare neke theome foli fajifla ghami ghotilo. Mae iheire teke funei fruni ghami ghotilo ra mare neke cheke fahaehaghe fabrahu, eghuteuna leuleghu fata na mare neke cheke fapari ghau iara.

Nodi Khoje Hatimare Mae Jiu 53:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Fapea Kings 19:16

Lord! Filo sagho ka unha te thoke ghami ghehati igre. Fanomho sagho ka gobigna lepo te cheke fadiꞌa nigho King Senakerib igre, iagho God mae ihei te karha te tifa.

Nodi Khoje Hatimare Mae Jiu 35:23

Nogu Lord, kegra haghe mei togho ghau iara. Nogu God, kegra haghe mei cheke ka mare eigu iara.