Nodi Khoje Hatimare Mae Jiu 74:20 - Buka Blahi Ka Cheke Holo

²⁰ Thosei ghatho ihoni u nhaꞌa cheke teke eni iagho ka ghehati ia, naugna gognaro na kmana naikno te diꞌa poru tafriu ka vido te romno gre.

Nodi Khoje Hatimare Mae Jiu 74:20 ပူးပေါင်းရင်းမြစ်များ

Nodi Khoje Hatimare Mae Jiu 106:45

Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.

Hibru 8:10

Nu igne u nhaꞌa cheke nate chekeni iara ka naiknodi Israel re: Kate thokei mei narane tuare iara ginauna lilisei nogu vetula na ka nagnafadi nei jaola rioriso ka gaoghathodi. Iara ginauna nodi God mare, mare jaola nogu naikno iara.

Nodi Khoje Hatimare Mae Jiu 105:8

U nhaꞌa cheke teke eni mana ka tahati igne, ginauna au fabrahu. Uve, mana ginauna tajini fabrahu u nhaꞌa cheke teke eni mana ka tahati te gnafa igne nei mala dila iheire la ngau nate karha mei teu ke leghuda tahati thogheiro.

Nodi Khoje Hatimare Mae Jiu 89:28

Nogu namha biꞌo iara ranghini mana na ginauna theome gnafa, eghuteuna nhaꞌa cheke teke eni iara ka mana ia na au fabrahu tifa tifa.

Nodi Khoje Hatimare Mae Jiu 89:39

Iagho la theome leghunihi u nhaꞌa cheke teke eni iagho ka nou mae gloku gne. Iagho jateula te hata nogna khepi mana na te koko lao ka chopu ra eghu kolho.

Nodi Khoje Hatimare Mae Jiu 5:8

Lord, nogu naoka iara gre thono kmana fara. Eghume iara magnahaghei nigho iagho te bara fothi ghau ka mae iheire te magnahaghei mei goigoni ghau iara igre. Batudi ghahegu gre mala leghuni iara u puhimu iagho te doglo na. Falalase ranghi ghau u nabrou te magnahaghei iagho te mala leghuni iara na.

Fapea Samuel 23:5

“Iara leghuni puki igne, eghume iara laseni God ginauna fablahini vikegu iara igne. Mana neke eni kaisei nhaꞌa cheke balugu iara, eghuteuna gobigna lepore doglo eghuteuna ginauna au fabrahu tifa tifa. Te laseni iara na igne ginauna thofno togho ghau iara, eghuteuna ginauna tusu ranghi ghau iara gobigna lepo te magnahaghedi iara re.

Diutronomi 12:31

Ghotilo thosei leghudi puhidi mare re kate pogho soruni ghotilo Lord nomi God. Naugna kate pogho soru mare ka nodi god re, mare edi glepo te thono diꞌa fara te tirognadi fara Lord. Ghotilo laseni, mare gahu thudire mala fafara ka nodi god re.

Diutronomi 9:27

Ghathodi sagho thilo nou mae glokura, Ebraham, Isak nei Jekop. Eghuteuna kate ghathodi iagho thilo mae igre, thosei filo ka nakhibo teke edi naikno te patu gama fara igre.

Profet Jeremaea 14:21

Thosei faparini nafnaknomu na ka tathadi naiknore. Thosei fadidiꞌa puhi te keli te funei fruni iagho igne. Thosei ghatho ihoni nhaꞌa cheke teke eni iagho ka ghehati ia, iagho thosei lopini nhaꞌa cheke igne.