Nodi Khoje Hatimare Mae Jiu 74:19 - Buka Blahi Ka Cheke Holo

¹⁹ Thosei snakredi mae naoka te diꞌa fara puhidire igre mala fakokhoana ghami ghehati nou naikno iagho gre. Eigna ghehati gne thofno ulu tulao ka tathamu iagho na! Iagho thosei ghatho iho ghami ghehati eigna naikno te diꞌa igre fakokhoana ghami ghehati fara.

Nodi Khoje Hatimare Mae Jiu 74:19 ပူးပေါင်းရင်းမြစ်များ

Famane Khoje 2:14

Iagho mala poru kolho jateula kaisei balhu te mhaghu ra eghu, eghuteuna poru lamna khora thina ka geri thogele. Iara magnahagheini fara filo nigho naugna tathamu foflomu iagho re jaola famane fara. Iara magnahagheini fara nomhini naoglamu iagho na, naugna naoglamu iagho na famane fara.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Nodi Khoje Hatimare Mae Jiu 9:18

Naikno te au kuma gognaro gre ginauna nake gleale'au. Naugna God ginauna nake toghodiu. Eghuteuna naikno te lisei faparidi thedire God ginauna nake pala haghedi kligna.

Profet Sefanaea 3:12

Iara ginauna snakredi naikno igre mala au Jerusalem, iheire te au fapari nei iheire te rouronu ka God te mala toghodi re.

Profet Isaia 60:8

“Naiknore ginauna ghosei ke pulo mei ka vaka jateula khoveo te flalo te ghosei te tei ka nuri ra eghu, ba jateula balhu te flalo teke pulo mei ka nogna gnokura eghu.

Famane Khoje 4:1

Kheraguo, iagho thofno famane fara! Neuba vido pohe igne toku tafri katha tathamu foflomu iagho are, nu iara tangomana te filoni kolho tathamu iagho na, eghuteuna iara ghathoni balhu te famane fara. Khaklamu re flalo kate nolo iagho na, jateula nanigot pipito te ghasa, kate getu te sukha ka thogele Gilead.

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Nodi Khoje Hatimare Mae Jiu 68:13

Neuba iheire teke au teku ka namono re, mare neke jaola neke hata famane glepo te keli teke uludi mare ka magra na.

Nodi Khoje Hatimare Mae Jiu 68:10

Nou naikno iagho re neke hohoro nodi namono jare ka glose tuana, eigna puhimu iagho na ne thofno keli fara ne faghedi gano fabrahu naikno te kuma re.

Famane Khoje 6:9

Nu iagho themu kolho iagho famane jateula kaisei balhu, eghuteuna iara magnahaghei nigho iagho fara. Idomu na namha nigho iagho fara salaꞌudi keha thugna naꞌare. Kate filo mei gaꞌase te gnafa igre ka iagho, reꞌe na cheke fakeli nigho. Uve, kate filo mei ka iagho kuin te gnafa nei keha khetogna king te gnafa teu igre ka iagho na, reꞌe na cheke fakeli nigho iagho.

Nodi Khoje Hatimare Mae Jiu 10:12

God, mei sagho. Iagho mei mala fapuhini mae igne. Ghathodi sagho naikno te au kokhonidi igre.