Nodi Khoje Hatimare Mae Jiu 74:1 - Buka Blahi Ka Cheke Holo

¹ God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Nodi Khoje Hatimare Mae Jiu 74:1 ပူးပေါင်းရင်းမြစ်များ

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Nodi Khoje Hatimare Mae Jiu 100:3

Ghotilo mala filo glani mana eigna Lord na mana God. Tahati nogna mana, naugna mana neke vuavuha ghita. Tahati nogna naikno mana te fiofilo ghita jateula nogna sipu.

Nodi Khoje Hatimare Mae Jiu 79:13

Jame te eghu iagho na, ghehati te jateula nou sipu teu iagho gre ghehati ginauna cheke fakeli nigho fabrahu. Uve, ghehati cheke fakeli nigho fabrahu leuleghu fata.

Nodi Khoje Hatimare Mae Jiu 95:7

Naugna mana noda God tahati, nei reireghi ghita nogna naiknore. Uve, mana reireghi ghita nei batu ghita jateula nogna sipu. Gognaro, ghotilo nomhini nogna cheke na! God neke cheke eghu,

Nodi Khoje Hatimare Mae Jiu 44:9

Nu gognaro na iagho tirou ghami ghehati, eghuteuna iagho tirou tei baludi nomi soldia ghehati gre.

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Profet Esikiel 34:31

Ghotilo nogu naikno iara. Ghotilo jateula nogu sipu eghu iara, eigna iara reireghi ghami nei faghemi gano ghotilo leuleghu narane. Eghuteuna iara nomi God ghotilo. Igne nogu cheke iara Lord God!’ ”

Profet Jeremaea 31:37

Eigna theo kaisei naikno tangomana te fafaja ba te skel nauthoglu igne, iara ginauna na jaola theome thodoni vikegna Israel, neuba mare neke tapla jafra fabrahu ka nakhibo.” Igne chekegna Lord.

Profet Jeremaea 23:1

Lord ne cheke eghu, “Puhi biꞌo ginauna thoke mei ka mae mala baubatu te goigonidi nogu naikno iara igre. Mae igre jateula mae greireghi sipu te diꞌa te brue tafridi nogna sipu ra eghu.”

Nodi Khoje Hatimare Mae Jiu 79:5

Lord God, ba? Iagho na diꞌatamu fabrahu ka ghehati? Ba? Na brana fabrahu diꞌatamu na ka ghehati jateula khaꞌaghi eghu?

Nodi Khoje Hatimare Mae Jiu 77:7

“Ba? Nomi Lord ghehati gne la tirogna ghami hila ghehati fabrahu signea? Ba? Mana ginauna tirogna phile hila ka ghehati?

Nodi Khoje Hatimare Mae Jiu 42:11

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala togho ghau iara!

Profet Esikiel 34:8

Iara eni kaisei nhaꞌa cheke ka nanghagu iara Lord mae ihei te karha te tifa: Lion igre ngolhidi nogu sipu iara re, eghuteuna kathu falehe ghamu ghedire, naugna theo kaisei naikno te reireghidire. Ghotilo mae mala baubatura theome reireghidi kolho nogu sipu iara re. Ghotilo khogla reireghi ghami themi kolho.

Nodi Khoje Hatimare Mae Jiu 78:1

Ghotilo nogu naikno iara ra fanomho mei ka nogu farirhiu iara gre. Uve, ghotilo famane fanomho fakeli mei ka unha nate chekedi iara gre.

Nodi Khoje Hatimare Mae Jiu 60:10

God, iagho la figri tagru ghami ghehati tutuani hila sia? Ba, iagho la tirou tei magra hila balumi ghehati sia?

Nodi Khoje Hatimare Mae Jiu 60:1

God, iagho ne tirou au balumi ghehati ne nigra ghehati ka magra. Tifa na iagho neke diꞌatamu ka ghehati, nu ke figri mei sagho gognaro mala ke togho ghami ghehati.

Nodi Khoje Hatimare Mae Jiu 42:9

God, iagho bara fothidi koba nogu naoka iara re mala thosei mei mare mala magri ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 18:8

Gagahu na ne jifla mei ka nehugna mana na. Eghuteuna khaꞌaghi nei thina ngire eghu ne jifla mei ka foflogna mana na ne nhako gobigna lepore.

Nodi Khoje Hatimare Mae Jiu 10:1

Lord, naugna unha sagho te au fakhaba ka ghehati gnea? Naugna unha sagho te poru teu kate au teu ghehati kau hoholo gnea?

Eksodas 32:11

Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.

Fapea Kings 21:14

Iara ginauna lisa lao naikno te karha nga teu igre ka khamedi mae naoka. Eghuteuna mae naoka igre ginauna uludi mare, eghuteuna mae naoka igre ginauna hata tei ka namono dire nodi gobigna lepore.

Nodi Khoje Hatimare Mae Jiu 50:1

Noda Lord God te thofno nolaghi fara. Mana te kilo meidi naikno te gnafa ka nauthoglu igne funu maghati posa ke mosu.

Nodi Khoje Hatimare Mae Jiu 77:8

Ba? Nogna namha biꞌo mana ka ghehati ia la theo hila sia? Ba? Nogna nhaꞌa cheke mana ka ghehati ia la theo hila sia?

Nodi Khoje Hatimare Mae Jiu 80:5

Diꞌanagnafa kolho te tusu mei iagho ka ghehati te mala jateula gano teu te mala ghamu ghehati na. Eghuteuna kholo ka tathami gre kolho te mala jateula khoꞌu teu te tusu mei iagho ka ghehati te mala koꞌu na.

Nodi Khoje Hatimare Mae Jiu 85:6

Ke farerheta fapulo sagho nakarhami ghehati gre. Eigna ghehati gne nou naikno iagho mala tangomana ghehati te kilo fnakno nigho na.

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.

Lamentations 5:22

Nu iagho theome magnahaghei ghami ghehati fara! Diꞌatamu iagho ka ghehati igne ginauna theome gnafa.