Nodi Khoje Hatimare Mae Jiu 73:25 - Buka Blahi Ka Cheke Holo

²⁵ God iagho te au teu kligna, kaisei iagho ngala te rouronu nigho iara na. Eigna iagho ngala nogu God iara na, iara theome magnahagheni kaisei glepo ka nauthoglu igne.

Nodi Khoje Hatimare Mae Jiu 73:25 ပူးပေါင်းရင်းမြစ်များ

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Nodi Khoje Hatimare Mae Jiu 16:2

Iara cheke eghu ka Lord, “Lord, iagho nogu funei iara. Gobigna lepo te au ka khamegu iara na igre neke mei funudi ka iagho ngala.”

Nodi Khoje Hatimare Mae Jiu 63:3

Nou namha iagho na thofno biꞌo fara salaꞌuni nauthoglu igne, tutuani fara, biꞌo salaꞌudi thua nafnata fateo te au ka nakarhagu iara gne. Naugna igne iara magnahaghei te cheke fakeli nigho.

Nodi Khoje Hatimare Mae Jiu 16:5

God, iagho ngala nafugna nakarhagu iara na. Iagho tusu mei ka iara glepo te kmo'edi iara re. Nakarhagu iara nathuꞌu nauriha na au ka khamemu iagho.

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Nodi Khoje Hatimare Mae Jiu 37:4

Gleale'a sagho ka Lord, eghuteuna mana ginauna na tusu ranghi nigho unha teke thono mamagnani iagho ka nagnafamu na.

Nodi Khoje Hatimare Mae Jiu 89:6

Lord God, theo kaisei naikno te au kligna te jateula iagho teuna. Uve, neubane engel puhidire theome keli kolho jateula puhimu iagho eghu.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Matiu 5:8

Keli tadi iheire te thofno namhani God. Naugna mare ginauna au balugna God.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.