Nodi Khoje Hatimare Mae Jiu 73:20 - Buka Blahi Ka Cheke Holo

²⁰ Lord, nakarhadire ginauna jateula kaisei mifi te dofra haghe fei hamerane te ghatho ihoni ra eghu kolho. Kate mei iagho te togho ghau iara na, mare ginauna ari ghatho iho nodadi kolho.

Nodi Khoje Hatimare Mae Jiu 73:20 ပူးပေါင်းရင်းမြစ်များ

Thoutonu Eigna Mae Job 20:8

Uve, mana ginauna dofini kolho jateula kaisei mifi te theo kaisei naikno te tangomana teke ghathoni na.

Nodi Khoje Hatimare Mae Jiu 78:65

Ke leghu na igne, Lord ne kegra haghe jateula kaisei mae teke dofra nathuru ra neu. Uve, mana jateula kaisei mae nheta te dranga ka waen ra neu ne kaikaliti mala magra.

Nodi Khoje Hatimare Mae Jiu 90:5

Iagho neke vuavuha ghami ghehati mala ghosei lehe kolho jateula khoꞌu te britha te kmerhu ghehati ra eghu. Uve, ghehati au katha vido kmoꞌei kolho jateula mifi eghu ka nauthoglu igne. Ghehati jateula buburu te kotu haghe majaghani hamerane ra eghu kolho.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Nodi Khoje Hatimare Mae Jiu 7:6

God, nogu naoka iara gre thono diꞌatadi fara ka iara. Iara magnahaghei nigho te mei togho ghau. Iagho mei mala kegra fanogridi. Diꞌatamudi sagho nei figri tagrudi eghu mare. Eghume iara magnahaghe nigho iagho te falalase meini te mae doglo iara ka tathamu na.