Nodi Khoje Hatimare Mae Jiu 73:19 - Buka Blahi Ka Cheke Holo

¹⁹ Iagho ginauna ghosei goigonidi kolho naikno tuare, eghuteuna glehedire naikno tuare ginauna thono diꞌa fara.

Nodi Khoje Hatimare Mae Jiu 73:19 ပူးပေါင်းရင်းမြစ်များ

Profet Daniel 5:6

King Belsasa filoni igne ne mhaghu nogna fara. Tathagna nei foflogna teu manare ne tughu, eghuteuna mana theome tangomana te kegra haghe na. Naugna thinigna na ne glaꞌe soru.

Profet Isaia 47:11

Nu kaisei puhi biꞌo ginauna thoke mei ka iagho, eghuteuna iagho theo kaisei nou nolaghi nate kegra fothini glepo igne. Puhi biꞌo igne ginauna thoke mei ka iagho, eghuteuna iagho ginauna na theome tangomana te eni kaisei glepo te mala fanagrini nabrou gna puhi biꞌo igne. Glepo te diꞌa te theome ghathodi iaghore ginauna thoke mei mala goigoni nigho iagho.

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Thoutonu Eigna Mae Job 20:5

naikno te diꞌa igre tangomana te glealeꞌa katha vido kmoꞌei kolho.

Thoutonu Eigna Mae Job 15:21

Lamna ka nagnafagna na, mana haimidi glepo te mhaghudi fara mana re. Eghuteuna kate ghathoni mana ne au fakeli neu kolho teuna, mae te blau igre ginauna mei goigonini mana.

Thakle 18:10

Mare ginauna kegra delei kolho, naugna mare mhaghuni fara papara te thokeni namono igne. Eghuteuna mare ginauna cheke eghu, “Icho idomi, puhi biꞌo na mei ka ghotilo naikno te au Babilon! Ghotilo te au ka namono biꞌo te nolaghi nei dedei fara, nu ka katha vido kolho te thoke ghami ghotilo papara na.”

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Profet Isaia 30:13

Ghotilo la tapla jafrahi ka nakhibo, eghuteuna nakhibo na jateula kaisei bara thina eghu theome tangomana te fakarhi ghami ghotilo na, nu jare na au kaisei khora biꞌo tarabanau te mala snoꞌo ghotilo tagna na.

Nodi Khoje Hatimare Mae Jiu 58:9

God, ghosei brasi sorudi sagho kate iho teu mare na mala jateula buburu eghu kolho mare. Kate diꞌatamu na phanga lao sagho ka mare mala flalo tei delei kate karha teu mare na.

Thoutonu Eigna Mae Job 18:11

Puhi biꞌo te mhaghudi mana igre au faligohonihi mana. Uve, puhi biꞌo igre leghuni mana ka vido te gnafa aheva te tei mana tagna na.

Ululahu Samuel 28:20

Kate nomhini igne, mae Sol ne mhaghu nogna fara ne ghosei ne khoko soru pari ka glose na. Eghuteuna thinigna mana na jaola ne glaꞌe fara, naugna mana ne theome ghamu nei theome koꞌu neu kaisei narane thongana, nei kaisei bongi thonga na neu.

Naba 16:21

“Gognaro na iara falehedi naikno igre. Eghume ghopa thugha faleghu!”

Ululahu Samuel 25:38

Jame nabotho narane ke leghugna igne, Lord ne faleheni mana.

Eklesiasti 9:12

Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.