Nodi Khoje Hatimare Mae Jiu 73:13 - Buka Blahi Ka Cheke Holo

^13-15 Keha naiknore jame buiburi eghu ka iagho God, “Theo kaisei nafugna kolho iara te mala bara fothini gaoghathogu na te mala gae te mala theome eni iara nakhibo na. Leuleghu hamerane na iagho para ghau iara. Eghuteuna iagho fakokhoana ghau iara fabrahu, funu hamerane ghilei posa fei grafi.” Nu jame te cheke eghu iara na, eghume ghehati na theome leghuni kolho puhidi nou naikno iagho re eghu.

Nodi Khoje Hatimare Mae Jiu 73:13 ပူးပေါင်းရင်းမြစ်များ

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Thoutonu Eigna Mae Job 34:9

Jame kaisei mae chekeni mana ne theo nafugna kolho te mala eni unha te glealeꞌani God na.

Thoutonu Eigna Mae Job 21:15

Mare gaoghathodi na, mare theome tangomana te eni kaisei glepo ranghini God mae ihei te au nolaghi fateote'o. Eghuteuna mare gaoghatho dina, tharai gne glepo theo nafugna kolho.

Thoutonu Eigna Mae Job 35:3

Ka vido narane tuana la iagho neke chekeni jame te theome tapla jafra iagho ka nakhibo na theo kaisei glepo te keli nate togho nigho iagho na.

Jemes 4:8

Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.

Profet Malakai 3:14

“Ghotilo neke cheke eghu, ‘Tahati tore koba ka God eghuteuna God na theome togho ghita tahati, eghume mala unha site leghuni tahati chekegna mana gnea? Ka tathagna Lord mae ihei te au nolaghi fateoteꞌo igne diꞌanagnafa eidi nakhibodare, nu mana theome togho ghita ngala eghu. Eghume diꞌanagnafa te edi tahati igre theo nafudi kolho.

Nodi Khoje Hatimare Mae Jiu 51:10

God, lilisei mei sagho ka iara gaoghatho ka iara te mala leghu nigho fabrahu na mala gae nogu fara iara. Tusu mei sagho nagnafa majaghani ka iara mala gae iara ke ulumu.

Nodi Khoje Hatimare Mae Jiu 24:4

Uve, ihei te klino nakarhagna na te theome tapla jafra ka nakhibo na, ihei ngala te theome pogho soru ka mumuju, nei ihei ngala te theome nhaꞌa cheke chaichaghi teu igne ngala nafnata naikno te nabagna na.

Thoutonu Eigna Mae Job 9:31

Neuba iara ne fariuriu titihi, iagho ginauna koko soru ghau iara kolho lamna khora aheva te fodu ka chopu te siri diꞌagna. Eghuteuna nogu pohere thono tirodi ghau iara.”

Thoutonu Eigna Mae Job 9:27

Neuba iara ne fariuriu mala glealeꞌa mala ghatho ihodi nogu diꞌanagnafa re neu, nu iara theome tangomana ghau.

Thoutonu Eigna Mae Job 9:29

Eghuteuna naugna iagho neke chekehi eigna iara gne nabagu te papara na, eghume mala unha si iara te fariuriuni nakarhagu na gnea?