Nodi Khoje Hatimare Mae Jiu 73:11 - Buka Blahi Ka Cheke Holo

¹¹ Naikno te diꞌare ne cheke eghu, “God na theome tangomana te lasedi glepo te edi ghehati gre. God na au kligna fara, mana theo kaisei nabrou te mala mei te hirodi puhimi ghehatire.”

Nodi Khoje Hatimare Mae Jiu 73:11 ပူးပေါင်းရင်းမြစ်များ

Profet Sefanaea 1:12

Ka Narane tuana, iara ginauna hata juta mala tei hiro ke lamnagna namono biꞌo Jerusalem. Iara na jaola paradi naikno te rouronu kolho ka nodi nanheta thedi te cheke eghu igre, ‘Lord na fiti au nogna kolho, theome eni kaisei glepo te keli te mala togho ghita tahati na, ba eni kaisei glepo te diꞌa te mala para ghita tahati.’

Profet Hosia 7:2

Nu mae igre theome laseni te filodi iara unha te edi teu mae igre. Naugna unha glepo te diꞌa te edi mare igre toku tafru tathadire.”

Nodi Khoje Hatimare Mae Jiu 94:7

Mare cheke eghu, “Lord na nodi God kolho mae Israel, nu theome tangomana te filo ghita tahati na eghu. Uve, mana theome nanga nognadi kolho unha te edi tahati gre.”

Profet Esikiel 8:12

Aonu Lord ne cheke eghu ka iara, “Maegna ka nauthoglu. Ba, iagho la filoni glepo te eni poru mae mala baubatu ka naiknodi Israel igre? Mare tei ne poru ke lamnagna nodi vido blahi na, mala tarai ka nodi mumuju god na. Eghuteuna mare ne cheke eghu, ‘Lord na theome tangomana te filo ghita na. Mana la tei kokonihi noda kantri tahati igne.’ ”

Nodi Khoje Hatimare Mae Jiu 73:9

Mare cheke fadiꞌani God mae ihei te au teu kligna na, eghuteuna mare fahaehaghedi fara e cheke eghu, “Ghehati ngala te funei frunidi naikno te au ka nauthoglu igne!”

Nodi Khoje Hatimare Mae Jiu 44:21

tutuani fara, iagho laseni ngala glepo igne, naugna iagho lasedi gaoghatho te poru teu ka ghehati gre.

Nodi Khoje Hatimare Mae Jiu 10:11

Mae te diꞌa na cheke eghu ka nagnafagna na, “God na theome nanga nognadi puhigu iara re! Mana la dofuhi phei tathagnare! Mana theome tangomana te filo ghau iara na!”

Nodi Khoje Hatimare Mae Jiu 10:4

Mae te diꞌa igne mana tirogna ghatho tahuni God. Mana ne lalasehi thegna neu ne cheke eghu, “God na theome tangomana te lasedi nei nangadi teu puhi najafra teke edi iara re.”