Nodi Khoje Hatimare Mae Jiu 72:7 - Buka Blahi Ka Cheke Holo

⁷ Te keli na jame gobigna lepo ka kantri igne mala doglo ka narane te king mana na. Eghuteuna ghehati na au fabrahu ka nakarha te keli.

Nodi Khoje Hatimare Mae Jiu 72:7 ပူးပေါင်းရင်းမြစ်များ

Profet Isaia 2:4

Eghuteuna ka narane igne, Lord ginauna fadoglidi puhi fapholai fari hoteidi keha kantri are. Aonu mare ginauna nake kuri naflahi mala magra ra nei nodi goru teura mala ke vuhai khodo mala dokha glose nei naflahi pekora mala kato grep. Aonu naiknogna kaisei kantri na ginauna na theome magra ka keha kantri na, ba farirhiudi mae majaghani re mala magra.

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Nodi Khoje Hatimare Mae Jiu 92:12

Naikno te doglore ginau thofno keli nodi fara jateula gaju te ure sisi te kelira eghu, eghuteuna biꞌo haghe jateula gaju sida ka namono Lebanon.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Profet Isaia 60:22

Neubane theome vike biꞌo ghotilo, nu ghotilo ginauna kmana fara nei nheta eghu, jateula kaisei kantri biꞌo te nheta fara ra eghu. Iara Lord, glepo te chekedi iara igre ginauna ghosei thoke mei tutuani ka nogu thofno narane iara na.”

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Luku 1:33

Mana ginauna na funei frunidi fabrahu naiknodi Israel re eghuteuna funei fruni te eni mana ranghidi nogna naiknore na theo ka huigna.”

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Isaia 60:1

Lord ne cheke eghu, “Ghotilo naiknomi Jerusalem! Ghotilo kegra haghe mala phae jateula naprai eghu! Naugna naphaegna nogna nolaghi biꞌo Lord na phae ke klignami ghotilo.

Ululahu Kings 4:25

Ka narane te King Solomon igre, naiknodi Juda nei Jerusalem teu igre ne au ka pharikeli, funu ka namono Dan ke raru tei posa mhata namono Bereseba. Mare te gnafa na au fakeli ka ghedi nagare thedire, aheva mare te joꞌu grep nei fig.

Ululahu Kings 5:4

Nu gognarona Lord nogu God iara na toghodi keha kantri te funei frunidi iara igre mala au ka pharikeli balumi ghehati. Eghume, jare na theo kaisei naoka ba puhi biꞌo te mala goigoni ghami ghehati na.

Profet Sekaraea 9:10

“Iara ginauna hata fadelei hose nei chariot teu igre mala theome magra mae soldia di Israel nei Jerusalem. Iara ginauna goigoni fahui nodi phaloho mala magra mare are. King igne ginauna au fakeli baludi keha kantri are nei king di keha kantri te funu ke maghati Thongna Lehe tei posani thongna ke mosu, eghuteuna funu ke raru Khoꞌu biꞌo Iufretis, tei posa ka khukrugna nauthoglu.”