Nodi Khoje Hatimare Mae Jiu 72:3 - Buka Blahi Ka Cheke Holo

³ Te toreni iara ka iagho na vido ka thogele na are ginauna karha kmana gano maladi nou naikno iagho gre naugna puhidi nou naikno iagho re thofno doglo fara.

Nodi Khoje Hatimare Mae Jiu 72:3 ပူးပေါင်းရင်းမြစ်များ

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Profet Joel 3:18

Lord ne cheke eghu, “Ka Narane tuana, thogele te gnafa igre ginauna fodu ka grep, eghuteuna ghotilo tangomana te hata milk ka buluka te au ka thogele ke holo. Eghuteuna naikno te au ka kantri Juda igre ginauna au ghedi kmana khoꞌu, eghuteuna kaisei glokha ginauna jifla mei ka nogu Sugablahi iara na. Khoꞌu igne ginauna loloro soru ka glogu Akesia.

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Nodi Khoje Hatimare Mae Jiu 72:16

Te keli na jame kantri ghehati gne mala au kmana gano fara, eghuteuna thogele igre ginauna fodu ka gano. Te keli na jame glose ghehati igre au kmana gano jateula glose gna Lebanon eghu. Eghuteuna te keli na jame namono biꞌo te au ghehati gre ginauna fodu ka naikno jateula kaisei sare te fodu ka buburu ra eghu.

Nodi Khoje Hatimare Mae Jiu 65:12

Namhata re fodu ka buburu, aheva te mala ghamudi buluka nei sipu teure, eghuteuna gobigna lepo te au ka thogelere ne thofno kelitadi fara.

Profet Isaia 45:8

“Maloa nei ghotilo khoveo teura! Ghotilo snakreni puhigu iara te doglo gne mala soru mei jateula nakhete eghu ka nauthoglu igne. Iagho glose ia! Iagho snakreni puhigu iara na mala fakarhidi naikno te kotu haghe jateula buburu teu igre, eghuteuna snakreni puhigu iara te doglo gne mala jaola kotu haghe. Iara Lord te edi glepo igre.”

Profet Isaia 60:17

Tifa na ghotilo neke atha bras mala horo glepo, nu iara ginauna na tusu ari gol ka ghotilo. Ghotilo neke atha aean nei gaju, nu iara ginauna tusu ari silva nei bras ka ghotilo. Ghotilo neke atha thina, nu iara ginauna tusu ari aean ka ghotilo. Eghuteuna nomi mae funei ghotilore neke para ghami ghotilo, nu iara ginauna na lilisei vetula ka puhi te doglo nei ka pharikeli.