Nodi Khoje Hatimare Mae Jiu 72:17 - Buka Blahi Ka Cheke Holo

¹⁷ Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Nodi Khoje Hatimare Mae Jiu 72:17 ပူးပေါင်းရင်းမြစ်များ

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Nodi Khoje Hatimare Mae Jiu 89:36

Vikegna mana na ginauna na theome tangomana te ari te khusu na. Uve, mare ginau au fabrahu jateula naprai te au fabrahu ka maloa na ana eghu mala king fabrahu.

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Luku 1:48

Iara kaisei nogna naikno gloku kolho, neuba ne eghu ngau mana ghatho tahu ghau iara. Funu gognaro te haghe na naikno te gnafare ginauna na chekeni ne keli tagu fara iara teuna.

Filipae 2:10

Eghume naikno te gnafa te au kligna nei ka nauthoglu igne ba iheire te au ka namonodi naikno te lehere ginauna tuturupuku soru ka mana.

Jenesis 22:18

Naikno te gnafa ka nauthoglu igne mare ginauna na tore ghau iara mala fablahidi jateula teke eni iara ka vikemu iagho ra eghu. Naugna iagho ne ghatho tahu ghau nei leghuni neu nogu cheke iara na.’ ”

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Kolose 1:3

Ka nomi tharai eimi ghotilo na ghehati cheke fakelini God fabrahu, Kmagna noda Lord Jisas Kraes.

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Efesus 3:14

Eghume gognaro na iara tarai ke ulugna Kmada kligna.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Galesia 3:14

Mae Kraes neke foli fajifla ghita mala tangomana iheire te theome Jiu te mala hatini unha God teke nhaꞌa cheke ka mae Ebraham na mala tusu ranghini mana. God fablahidi naugna mae Jisas Kraes. Eghuteuna ka puhi igne, tahati naikno fateo te fatutuani ra, tahati tangomana te hata Tharunga te Blahi God teke nhaꞌa chekehi ka tahati.

Mae Khuru 3:16

Ka nogna nolaghi mae Jisas na ghepa neke fakelini mae teke lehe ghahegna te kafe filoni nei laseni teu ghotilo igne. Uve, tutuani fara, ghepa fatutuani ni mae Jisas, eghuteuna ka nanghagna mae Jisas ghepa fakelini mae igne. Eghuteuna ghotilo kafe filoni te eni igne!

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Nodi Khoje Hatimare Mae Jiu 45:17

U khoje te eni iara igne ginauna loku famakuni fabrahu nafnaknomu iagho. Eghuteuna naikno te gnafare ginauna theome gnafa te kilo fnakno nigho na tifa tifa.

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Fapea Samuel 7:13

Mae igne ginauna horo kaisei nogu suga iara mala mei naiknore namo ka iara, eghuteuna vikegna mana re ginauna funei fruni fabrahu tifa tifa.

Fapea Samuel 7:16

Vikemu iagho gre ginauna na theome hui. Eghuteuna iara ginauna vavahi kaisei mae ka vikemu iagho gne mala king fabrahu tifa tifa. Eghuteuna nou sape nafnakno iagho na ginauna theo ka huigna.’ ”

Ululahu Kronikols 17:12

King igne ginauna horo nogu suga iara na, eghuteuna iara ginauna vahini koba kaisei mae ka vikegna mana na te mala king na.

Nodi Khoje Hatimare Mae Jiu 21:7

Nomi king ghehati gne thofno fatutuani ni Lord. Eghuteuna mana ginauna kegra maku fabrahu naugna God ka maloa kligna thofno namhani fara nei taji fakelini eghu mana.