Nodi Khoje Hatimare Mae Jiu 72:14 - Buka Blahi Ka Cheke Holo

¹⁴ Uve, mae king tangomana te magra fothidi iheire te paradi nei goigonidi teu naikno igre naugna te ghathoni mana na nakarhadi naikno igre thofno glepo ulu fara ka mana.

Nodi Khoje Hatimare Mae Jiu 72:14 ပူးပေါင်းရင်းမြစ်များ

Nodi Khoje Hatimare Mae Jiu 116:15

Lord God, kaisei glepo biꞌo fara eghu ka tathamu iagho na kate lehe kaisei ka nou naikno iagho igre na.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Nodi Khoje Hatimare Mae Jiu 69:18

Mei fakarhi ghau, nei mei atha fajifla ghau eghu ka khamedi nogu naoka gre.

Fapea Samuel 4:9

Nu mae Devet ne cheke eghu ka phiamare thabusigna igre, mae Rekab ghe mae Bana, “Ka nanghagna Lord, mae ihei te karha te tifa, nei hata fajifla ghau iara ka puhi te biꞌo igre, iara cheke kate tutuani fara ka ghopa.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Nodi Khoje Hatimare Mae Jiu 130:8

Uve, mana ginauna na fakarhi ghita tahati nogna naikno mana te au agne Israel ra ka nakhiboda fateote'o.

Nodi Khoje Hatimare Mae Jiu 25:22

God, fakarhi ghami ghehati naiknomi Israel, hata fajifla ghami ka puhi biꞌo te au teu ghehati ke lamnadi gre.

Ululahu Samuel 26:21

Aonu mae Sol ne cheke eghu, “Ghema Devet, thofno tututani fara. Puhi te eni iara igne thofno diꞌa fara. Thuguo, ke pulo mei. Iara ginauna na theome falehe nigho, naugna iagho ne ghatho tahu ghau iara, eghuteuna bongi ia iagho neke theome falehe ghau iara. Iara naikno fameomekro fara te eni glepo te diꞌa igne ka iagho.”

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”