Nodi Khoje Hatimare Mae Jiu 72:12 - Buka Blahi Ka Cheke Holo

¹² Mae king igne mala fakarhidi iheire te theo kaisei nodi glepo, nei iheire te kilo lao ka mana. Mana ginauna toghodi iheire te kuma nei iheire te theo kaisei naikno te toghodi.

Nodi Khoje Hatimare Mae Jiu 72:12 ပူးပေါင်းရင်းမြစ်များ

Thoutonu Eigna Mae Job 29:12

Mare eni igne naugna iara neke toghodi iheire naikno te kuma te tanhi mei ka iara, eghuteuna iara neke reireghi fakelidi goro sua te glehe kokoi.

Nodi Khoje Hatimare Mae Jiu 102:17

Mana ginauna nomhidi noda tharai tahati gre, eigna tahati gne theo kaisei namonoda aheva te mala au na.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Nodi Khoje Hatimare Mae Jiu 10:17

God, iagho ginauna na fanomho ka nou naikno tela goigonidi mare igre, iagho ginauna fameomegodi mala ke keli nagnafa fapulo mare.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Profet Isaia 41:17

“Nogu naikno iara igre tanhi mei ka iara mala toghodi, jateula mae ihei te kuma te magnahaghei fara khoꞌu ra eghu. Eghuteuna iara Lord, nodi God mae Israel, iara ginauna nomhidi nodi tharai re na theome ghatho ihodi.

Nodi Khoje Hatimare Mae Jiu 72:4

Te keli na jame mae king tangomana te fadoglidi puhidi iheire te kuma, nei toghodi naikno te theo kaisei nodi glepo. Eghuteuna tapla sorudi iheire te magnahaghei goigonidi keha naiknore.

Luku 7:22

Mana ne cheke eghu ka phiamare, “Ke figri si ghopa ka mae Jone mala ke toutonu ka mana, unha glepo teke nomhidi nei filodi teku ghotilo ra. Iara gognarona fakelidi naikno te dofu, naikno te blughu, naikno te thubu biꞌo, naikno te megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Nodi Khoje Hatimare Mae Jiu 102:20

Mana neke nomhidi noda tharai re kate au tahati kau sosolo na, nei atha fajifla ghita kate chekeni mare ka fate na, tahati mala au ka glehe.”

Ululahu Samuel 22:2

Eghuteuna iheire te au puhi tadi, iheire te theome falelehe nodi kaoni, nei iheire te diꞌatadi eidi keha glepo teu igre jaola ne leghuni mana. Ka puhi igne, mae Devet ne batudi fati gobi mae.

Fapea Samuel 14:16

Te ghathoni iara na, iagho ginauna theome snakreni mae igne mala goigoni ghami ghepa thugu iara igne. Jame te eghu na, ghepa ginauna theome hata unha teke tusu mei God ka ghepa na.

Thoutonu Eigna Mae Job 36:15

God snakre lao puhi biꞌo mala thokedi naiknore, mala fakarhidi mare. Mana snakredi naiknore mala au papara, mala fanomho mare ka mana.

Nodi Khoje Hatimare Mae Jiu 55:17

Fei hamerane nei fei naublatha nei fei grafi teuna iara tanhi ka mana eidi puhi te fadiꞌa ghau re. Eghuteuna mana ginauna na nomhidi nogu tharai iara re.

Proveb 29:7

Naikno te doglo na nangani fara nakarhagna naikno te kuma na, nu naikno te diꞌa na theome laseni puhi te mala toghodi nafnata naikno igre.