Nodi Khoje Hatimare Mae Jiu 72:10 - Buka Blahi Ka Cheke Holo

¹⁰ Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.

Nodi Khoje Hatimare Mae Jiu 72:10 ပူးပေါင်းရင်းမြစ်များ

Profet Isaia 60:6

Mare ginauna atha mei kmana kamel nei dedei eghu ka ghotilo funudi Midian nei Efa, eghuteuna naiknodi Seba ginauna atha mei gol nei insens. Eghuteuna mare ginauna na kafe eha fabiꞌo mala kilo fnaknoni Lord.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Nodi Khoje Hatimare Mae Jiu 68:29

Nolaghi igne jifla mei ka iagho ka sugamu Jerusalem, ka vido aheva hatimare mae king te hata mei namha ka iagho.

Ululahu Kings 10:1

Kate nomhini Kuin gna Seba thoutonu eigna Lord te tusu lao nafnakno biꞌo ka King Solomon igne, naꞌa mei ne filoni mana Jerusalem. Naꞌa magnahaghei te fariuriuni nogna glalase king na ne edi kmana faghusna te ninhigrana fara.

Profet Isaia 60:9

Kherami ghotilo te au ka kantri te khaba igre ofoni Lord mala toghodi. Eghuteuna ka narane igne, mare ginauna famei kaisei vaka biꞌo mala ke luja fapulo thumi ghotilo ra. Eghuteuna naikno igre ginauna na jaola famei silva nei gol eghu ka vaka igne mala tusu ranghini Lord nodi God mae Israel. Mare mei mala kilo fnaknoni Lord, naugna mare ne filoni mana te edi glepo te biꞌo ka ghotilo igre.”

Nodi Khoje Hatimare Mae Jiu 45:12

Naiknodi ka namono Taea ginauna atha mei namha ka iagho. Eghuteuna mae te dedeire ginauna na jaola fariuriu nigho iagho mala magnahaghei nigho.

Fapea Kronikols 9:21

Eghuteuna King Solomon au nogna kmana vaka biꞌo, eghuteuna nogna mae gloku mae King Haeram te loku ka vaka igre. Mare tangomana te tei lithui nabagna thilo finogha, vaka igre te pulo mei balu gol, nei silva, nei kheꞌi elefant, nei mongki nei thua nafnata nanghaji.

Jenesis 10:7

Eghuteuna nanghadi thugna mae Kus re neke mae Seba, mae Havila, mae Sapta, mae Rama nei mae Sapteka. Mae Rama ne au phei thugna, mae Seba ghe mae Detan.

Matiu 2:11

Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Profet Isaia 60:3

Naiknodi keha kantri igre ginauna filoni naphae igne na mei ka ghotilo. Hatimare mae king ginauna na jaola mei mala filoni nomi naphae ghotilo te jateula nathunu rane teu igne.

Profet Isaia 43:6

Iara ginauna chekedi naikno te au ke raru ra, mala snakredi thugu iara ra mala ke pulo mei ka iara, eghuteuna naikno te au ke mata ra mala thosei lhotidi ka iara. Mare ginauna batudi thugu nalhaꞌu nei gaꞌase teu iara te au ka vido te khaba ka khukrugna nauthoglu igne mala ke pulo mei ka iara.

Profet Isaia 43:3

Tutuani, iara Lord nomi God te Blahi ghotilo mae Israel, iara nate fakarhi ghami ghotilo na. Iara ginauna snakre lao kantri Ijep, Kus nei Seba teu igre ka khamedi nomi naoka ghotilore mala jateula teke foli fajifla ghami eghu ghotilo, mala tangomana ghotilo te snagla te jifla ka khamedi mare na.

Profet Isaia 42:10

Naikno te gnafa ka nauthoglu igne baludi gobigna lepo te au ke lamnagna! Ghotilo kojeni kaisei khoje majaghani mala kilo fnaknoni Nanghagna Lord! Ghotilo iheire te tei ka vaka ra, ghotilo kilo fnaknoni mana. Ghotilo gobigna lepo te au ba te taotao ke lamna thongna ra, ghotilo kilo fnaknoni mana. Ghotilo naikno te au ka kantri te khaba ra, ghotilo te gnafa na mala kafe kilo fnaknoni mana.

Profet Isaia 42:4

Gaoghathogna mana na ginauna theome glaꞌe soru, ba theome babaꞌo, ghilei thokeni narane nate fadoglidi mana puhidi naikno te gnafa heva te heva ka nauthoglu igne. Eghuteuna naikno te au ka kantri te khaba igre, ginauna ofoniu te mala nomhini nogna farirhiu mana na.”

Ululahu Kings 10:25

Leuleghu finogha na naiknore hata mei namha ka King Solomon. Mare hata mei glepo te horo ka gol nei silva, famane pohe, glepo mala magra, sitha mala insens, hose nei dongki.

Ululahu Kings 10:10

Aonu Kuin gna Seba hata ne mei fati thogha kilo gol, balu glepo te famane sisiri kelidi te mala gahu insens, nei famane thina eghu ne namha ka King. Ke leghugna igne, theo kaisei naikno te hata mei kmana glepo mala gahu insens salaꞌuni unha teke hata teke mei Kuin gna Seba ka King Solomon.

Ululahu Kings 10:2

Naꞌa ne posa mei Jerusalem balugna kmana naikno nei kamel te fodu ka glepo te famane sisiri kelidi, famane thina, nei kmana gol. Kate mei te filoni mae Solomon na, naꞌa ne ghusna ka mana.

Nogna Buka Esta 10:1

King Sekses magnahaghedi naikno te au ka namono te gnafa ke lamnagna nogna kantri na te foli takis, neubane tei posa namono biꞌo te au ke tongna.

Nodi Khoje Hatimare Mae Jiu 68:30

Kantri Ijep jateula kaisei nasava te poru teu fari hotei buburu ka khoꞌu ra eghu. Diꞌa tamu sagho ka hatimare mae biꞌo nei naiknodi teu Ijep ghilei mei tufru soru nigho mare nei mei tusu ranghi nigho nodi sileni re eghu ka iagho mala rikha sopagna thei mae te rodi magra re.