Nodi Khoje Hatimare Mae Jiu 72:1 - Buka Blahi Ka Cheke Holo

¹ God, ghehati tore nigho iagho mala tusu lao glalase ka nomi king gne mala fatedi mana naiknore ka puhi te doglo jateula iagho themu eghu. Tusu lao glalase ka mana mala tangomana mana te fadogli thua nafnata puhi te edi naikno gre.

Nodi Khoje Hatimare Mae Jiu 72:1 ပူးပေါင်းရင်းမြစ်များ

Profet Isaia 11:2

Eghuteuna Tharungagna Lord na ginau mei au ka mana mala tusu ranghini gaoghatho te keli nei glalase. Tharunga igne ginauna tusu ranghini mana cheke te keli nei nolaghi mala funei fruni. Tharunga gna Lord na ginauna au balugna mana, mala batuni mana. Eghuteuna Tharunga igne ginauna toghoni king mala laseni unha Lord te magnahagheni te mala laseni mana na, nei mala ghatho tahuni mana.

Fapea Kronikols 1:10

Iara magnahaghei nigho iagho te tusu mei gaoghatho te keli nei glalase eghu ka iara, mala tangomana iara te batudi nei saghe leghudi teu nou naikno iagho igre ka puhi te doglo.”

Ululahu Kronikols 29:19

Tusu lao famane gaoghatho te keli sagho ka thugu iara Solomon, mala thofno leghudi nei faꞌuvedi eghu mana nou cheke iagho re. Toghoni mana sagho mala horo mana Sugablahi igne naugna iara neke kulu tarabana neku glepo te mala loku fahuigna na.”

Ululahu Kings 1:39

Aonu pris Sadok tei ka nogna Suga Tapuale te Blahi Lord na ne hata hona gna sipu na ne toho fafodu oel ne tofa ka phaꞌugna mae Solomon, igne fagaglana gna te king mana na. Ke leghugna igne, mae pris ne kufli, eghuteuna naiknore gleale'a ne thagru eghu fabiꞌo, “King Solomon, iagho king fabrahu tifa tifa!”

Nodi Khoje Hatimare Mae Jiu 127:1

Jame te theome totogho Lord ka ihei te loku ka suga na, gloku te eni mana igne theo nafugna kolho. Eghuteuna jame te theome reireghi fakeli Lord balugna mae ihei te reireghi gna nogna namono na glahula mei ruma naokare ka nogna namono na teuna, reireghi te eni mana igne theo nafugna kolho.

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Ululahu Kronikols 18:14

Mae Devet ne funei frunidi vido te gnafa Israel, eghuteuna mana reireghi fakelidi naiknore ka puhi te keli nei doglo.

Ululahu Kronikols 22:9

Nu iagho ginauna na au kaisei thumu nalhaꞌu, eghuteuna kate kegra king mana na, naiknore ginauna au ka pharikeli, eghuteuna iara ginauna na theome snakredi keha kantri are te naoka ka mana na. Eghuteuna mae sua nalhaꞌu igne iagho ginauna kiloni nanghagna Solomon, gaoghathogna Solomon teu igne, “Pharikeli” eghu. Naugna iara ginauna tusu lao nakarha te keli nei pharikeli eghu ka naiknodi Israel ka narane te kegra king mana na.