Nodi Khoje Hatimare Mae Jiu 71:6 - Buka Blahi Ka Cheke Holo

⁶ Iara fatutuani nigho fabrahu ka nakarhagu na. Funu ka narane teke karha meigu na ghilei mei posa gognarogne, kaisei iagho ngala te reireghi ghau iara fabrahu na. Eghume iara ginauna cheke fakeli nigho fabrahu.

Nodi Khoje Hatimare Mae Jiu 71:6 ပူးပေါင်းရင်းမြစ်များ

Profet Jeremaea 1:5

“Jeremaea, kani au teku iagho ka thiꞌagna idomu na, iara neke lase nighohi. Theome karha nga teku iagho na, iara neke vahi nigho iagho mala nogu mae profet iara. Iagho mala toutonuni chekegu iara na ka kantri te gnafa ka nauthoglu igne.”

Galesia 1:15

Nu God au nogna gaoghatho malagu iara kani au nga teku iara ka thi'agna idogu na. Aonu mana neke kilo ghau iara ka nogna khokofakasai mala

Profet Isaia 49:5

“Tifa, kani theome karha teku iara na, Lord neke vahi ghauhi iara mala nogna mae gloku mana, mala ke atha fafigri iara naiknodi Israel teke au tafri ka keha vidoi. Naugna igne, mana fafnaknoni nanghagu iara na, eghuteuna tusu mei nolaghi ka iara,

Profet Isaia 49:1

Nogna mae gloku Lord igne ne cheke eghu, “Fanomho mei ka iara, ghotilo naikno te au ka kantri te khabara! Kani theome karha mei nga teku iara ka idogu na, Lord neke vahi ghauhi iara. Mana neke kiloni nanghagu iara na mala nogna mae gloku mana.

Nodi Khoje Hatimare Mae Jiu 34:1

Iara ginauna na cheke fakelini Lord fabrahu.

Profet Jeremaea 3:4

Eghuteuna gognarona ghotilo eha eghu ka iara, ‘Mama! Funu ka narane teke karhami na tela ghilei mei posa ka narane gognaro gne, iagho neke namha ghami fara ghehati!

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Nodi Khoje Hatimare Mae Jiu 71:14

Nu iara ginauna au nogu grouronu fabrahu ka iagho. Iara ofo nigho te mala togho ghau na. Iara ginauna cheke fakelini nanghamu iagho na.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Nodi Khoje Hatimare Mae Jiu 22:11

Thosei tei fakhaba ghau kate au diꞌanagnafa teu iara gognaro gne. Naugna theo kaisei naikno nate mei togho ghau iara na.

Nodi Khoje Hatimare Mae Jiu 40:4

Ihei te fatutuani ni Lord na, mana keli tagna fara. Nafnata mae igne theome leghuni naikno te ghatho tahuni thegna na, eghuteuna ihei te ghatho ihoni God nei jaola tarai lao ka mumuju.