Nodi Khoje Hatimare Mae Jiu 71:19 - Buka Blahi Ka Cheke Holo

¹⁹ God, puhimu iagho na thono doglo fara tei posa ka glepo te au kligna ka maloa gno. Iagho neke edi gloku te biꞌo fara igre eghuteuna glepo igre salaꞌudi fara nomi glalase ghehatire. Uve, God, theo kaisei naikno te jateula iagho teuna.

Nodi Khoje Hatimare Mae Jiu 71:19 ပူးပေါင်းရင်းမြစ်များ

Nodi Khoje Hatimare Mae Jiu 35:10

Eghuteuna ka nagnafagu fateo na iara ginauna cheke eghu ka God, “Theo kaisei naikno te jateula iagho teuna, iagho togho fakelidi naikno te nigra re. Eghume naikno te nheta re theome tangomana te goigonidi re naikno te kumare.”

Nodi Khoje Hatimare Mae Jiu 57:10

God, nou namha iagho na thono biꞌo fara tei posa ka maloa gro. Puhi te tajini fabrahu iagho nou nhaꞌa cheke na biꞌo fara tei posa ka khoveo gro.

Profet Isaia 55:9

Naugna maloa na haghe fara salaꞌuni nauthoglu igne, eghume puhigu iara na haghe fara salaꞌudi puhimi ghotilore. Eghuteuna gaoghathogu iara na jaola haghe fara salaꞌudi gaoghathomi ghotilore.

Luku 1:49

Naugna God mae te nolaghi na ne togho ghau iara. Nanghagna na thono blahi fara.

Profet Jeremaea 10:7

Naikno te gnafa igre mala ghatho tahu nigho iagho, naugna iagho king frunidi kantri te gnafa igre. Theo kaisei mae glalase ba mae king te jateula iagho teu ka vido te gnafa ka nauthoglu igne.

Profet Isaia 40:25

Igne nogna cheke God mae te blahi fara, “Ihei gne te jateula iara teu puhigna na?

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Nodi Khoje Hatimare Mae Jiu 72:18

Cheke fakelini Lord, noda God tahati naiknoda Israel. Kaisei mana ngala te edi glepo te keli re.

Thoutonu Eigna Mae Job 5:9

God edi glepo te biꞌo te theome tangomana kaisei naikno te lasedi re. Kofubobhoi te edi mana re, theo kaisei naikno te tangomana te kahadi re.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Profet Isaia 5:16

Nu mare ginauna na fafnaknoni Nanghagna Lord mae ihei te au nolaghi fateote'o igne. Naiknore ginauna filoni puhigna noda God te blahi fara igne thofno doglo fara. Naugna Mana fatedi naiknore ka puhi te doglo.

Proveb 15:24

Mae te autagna gaoghatho te keli na, mana tangomana te tei ka nabrou te haghe kligna te mala athini u karha na. Eghume, mana theome tangomana te soru pari ka namonodi mae tela lehehi ra.

Nodi Khoje Hatimare Mae Jiu 139:6

Iagho thofno lase fakeli ghau fara ngala iara, nu iara theome lase thokeni eigna igne.

Proveb 24:7

Naikno te fameomekro na theome tangomana te laseni gaoghatho te keli nei glalase teuna. Mana theome tangomana te cheke fakeli ka nodi faidu mae biꞌore.

Diutronomi 3:24

‘Lord, iagho nogu Funei iara, iara lase nigho iagho teke fufunu fakakhana nou nolaghi biꞌo na. Theo kaisei god kligna nei ka nauthoglu igne eghu tangomana te edi re nafnata glepo biꞌo te nolaghi te edi iagho igre.

Nodi Khoje Hatimare Mae Jiu 36:7

God, puhimu iagho te namha ghami ghehati na thofno keli fara. Eghume ghehati tangomana te ari poru ka iagho na jateu sua khokorako te poru ke paridi bagi gna idodi na ia eghu mala taji fakeli ghami ghehati.