Nodi Khoje Hatimare Mae Jiu 71:15 - Buka Blahi Ka Cheke Holo

¹⁵ Iara ginauna cheke edi glepo te doglo teke edi iagho ra, funu hamerane ghilei posa fei grafi. Iara ginauna cheke eigna nou nolaghi iagho te mala fakarhidi naiknore. Neubane theome raꞌe lase fakelidi iara, iara ginauna cheke fajifladi ngala.

Nodi Khoje Hatimare Mae Jiu 71:15 ပူးပေါင်းရင်းမြစ်များ

Nodi Khoje Hatimare Mae Jiu 40:5

Nogu Lord God, iagho neke edi kmana glepo fara malami ghehati neku, jare na theo kaisei God te jateula iagho teuna! Iagho neke edi famane gaoghatho te keli te mala leghudi ghehati teku re. Iara theome tangomana te kahadi unha teke edi iagho mala togho ghami ghehati teku re.

Nodi Khoje Hatimare Mae Jiu 35:28

Eghume iara ginauna cheke thakleni puhimu iagho na, eghuteuna iara ginauna cheke fakeli nigho leuleghu narane funu hamerane ghilei bongi.

Nodi Khoje Hatimare Mae Jiu 145:2

Leuleghu narane na iara ginauna cheke fakeli nigho iagho. Uve, iara ginauna cheke fakeli nigho koba leuleghu fata.

Nodi Khoje Hatimare Mae Jiu 71:8

Leuleghu narane, funu hamerane ghilei posa fei grafi, iara cheke fakeli nigho. Uve, iara ghatho tahuni fabrahu nanghamu iagho na.

Nodi Khoje Hatimare Mae Jiu 89:16

Iaghou ngala te faglealeꞌadire, funu hamerane posa fei grafi. Eghuteuna mare kilo fnakno nigho eidi puhimu iagho te doglore.

Nodi Khoje Hatimare Mae Jiu 71:24

Leuleghu narane, te funu hamerane te ghilei posa fei grafi na, iara ginauna toutonu eidi puhimu iagho te doglo fara are, naugna mae iheire te magnahaghei goigoni ghau iara ra, iagho la tapla faparidihi mare e mamaja nodi fara.

Nodi Khoje Hatimare Mae Jiu 30:12

Nogu Lord, iara gognaro na theome tangomana te fofotho foflogu na. Iara ginauna na koje mala kilo fafnakno nigho. Iara ginauna tegio nigho fabrahu tifa tifa.

Nodi Khoje Hatimare Mae Jiu 40:12

Gognaro na kmana puhi biꞌo fara te mei ka iara na. Iara theome tangomana te kahadire. Nakhibo teke edi iara re te bukri soru ghau iara re. Eghume iara gognaro na la theome tangomana te filoni kaisei nabrou aheva nate tei iara na. Nakhibo igre la kmana fara la uludi khakla te au ka phaꞌugu iara gre eghuteuna gaoghathogu iara na la theome au blagna.

Jajis 5:11

Ghotilo fanomho! Naikno te khapru ka Seu igne te koje eigna Lord te uluni magra igne. Uve, te chekeni mare na tahati naiknoda Israel la uluni magra na. Aonu, nogna naikno Lord igre jifla mala magra.

Ululahu Kronikols 16:23

Ghotilo naikno te gnafa ka nauthoglu ra, ghotilo koje ranghini Lord! Leuleghu narane na ghotilo toutonu eigna mana teke fakarhi ghita.

Nodi Khoje Hatimare Mae Jiu 40:6

Iagho theome magnahaghei fafara ba toreni kaisei bosu mala gahu ke kligna olta mala hata koko nakhibo. Nu iagho tusu mei khuli ka iara mala tangomana iara te nomhidi nei leghudi teu nou cheke iagho re. Igne unha te magnahaghei iagho te mala eni iara na.

Nodi Khoje Hatimare Mae Jiu 51:16

God, jame te gahu buluka iara ke kligna olta te fafara ari ka iagho na, iagho ginauna theome keli tamuni, naugna iagho theome magnahagheni nafnata fafara igne.

Nodi Khoje Hatimare Mae Jiu 73:28

Nu iara thofno keli tagu fara te au namo ka iagho God. Lord God, iagho nogu vido keli mala poru iara, eghume iara magnahagheni fara te toutonudi gobigna lepo teke edi iagho ra.

Proveb 5:2

Eghuteuna te fanomho iagho ka iara na, iagho ginauna tangomana te leghuni gaoghatho te keli na, eghuteuna nou cheke iagho re ginauna fakakhana te lalase iagho na.