Nodi Khoje Hatimare Mae Jiu 7:9 - Buka Blahi Ka Cheke Holo

⁹ God, puhimu iagho na thofno doglo fara, iagho filo suplidi nagnafami nei lasedi teu glepo te magnahaghedi ghehati re. Tapla fothidi sagho u gaoghatho te diꞌa te au ka naikno te diꞌa are. Eghuteuna toghodi naikno te keli re mala kegra heta.

Nodi Khoje Hatimare Mae Jiu 7:9 ပူးပေါင်းရင်းမြစ်များ

Profet Jeremaea 11:20

“Lord, iagho mae ihei te au nolaghi fateote'o! Kaisei iagho ngala te tangomana te fateni naikno na ka puhi te doglo. Iara lisa ari ka khamemu iagho puhi te diꞌa te eni fabrahu mare ka iara igne. Eghuteuna iara magnahaghei te filoni unha nate tughu fapulo iagho ka mare puhi te diꞌa teke eni mare ka iara igne.”

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”

Profet Jeremaea 20:12

Lord, iagho mae ihei te au nolaghi fateote'o! Iagho ngala tangomana te fariu riudi naikno te kelire, naugna iagho laseni fara gaoghathogna naikno na. Gognarogne iara magnahaghei te filo nigho iagho te paradi naikno igre, naugna iara lilisei nogu diꞌanagnafa na ka khamemu iagho.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Ululahu Samuel 16:7

Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Nodi Khoje Hatimare Mae Jiu 139:1

Lord God, iagho la kulu filonihi nakarhagu iara na, nei iagho jaola lase fakeli ghauhi iara.

Nodi Khoje Hatimare Mae Jiu 44:21

tutuani fara, iagho laseni ngala glepo igne, naugna iagho lasedi gaoghatho te poru teu ka ghehati gre.

Nodi Khoje Hatimare Mae Jiu 37:23

Kate filoni Lord puhigna kaisei mae te doglo fabrahu na, mana na sagheleghuni naikno tuana ka nabrou te doglo.

Nodi Khoje Hatimare Mae Jiu 26:2

Lord, filo fakeli sagho ka nakarhagu iara gne, mala laseni unha nafnata naikno te iara gne, nei mala filo glanidi gaoghathogu iara gre.

Nodi Khoje Hatimare Mae Jiu 11:5

Lord na filo glani nakarhagna ihei te keli na nei ihei te diꞌa na eghu. Nu mana theome magnahagheni ihei te kuru magridi keha naiknore.

Nodi Khoje Hatimare Mae Jiu 10:15

Rorhoꞌe sagho nodi nolaghi mae te diꞌa are mala thosei ke edi mare u nafnata puhi te diꞌa tuare.

Nodi Khoje Hatimare Mae Jiu 17:3

Iagho laseni gaoghathogu iara na. Bongi thongana na iagho neke mei fariuriuni nakarhagu iara na. Iagho neke theome filoni kaisei puhi te diꞌa ka iara.

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Nodi Khoje Hatimare Mae Jiu 58:6

God, paradi sagho naikno te diꞌa puhidire tuare. Lord, naikno tuare jateula lion te khuru magra ra eghu, eghume paradi sagho naikno tuare eghu.

Nodi Khoje Hatimare Mae Jiu 10:18

Iagho ginauna na nomhidi nodi natanhi goro sua te glehe kokoi nei iheire te au kokhonidi. Iagho ginauna toghodi nei tapla sorudi naikno te diꞌa igre. Te eghu na naikno nogna nauthoglu igne ginauna nake theome eni kaisei puhi te diꞌa ka mare.

Profet Daniel 11:45

Eghuteuna king ginauna babana haghe nogna suga tapuale biꞌo na farihotei Thongna Mediterenian ghe Thogele blahi Saion. Nu mana ginauna lehe jare, eghuteuna ginauna na theo kaisei naikno nate au teu te toghoni mana na.”

Nodi Khoje Hatimare Mae Jiu 40:2

Iara gne jateula kaisei mae te au teu ke lamna glodu te mamhara nei ka naoro te fodu ka chopu ra eghu. Nu Lord neke korho haghe ghau iara neke fakegra ghau iara ke tagrugna kaisei thina, eghuteuna iara gognaro na kegrau ka vido te keli.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Ululahu Tesalonika 3:13

Ka nafnata puhi igne mana ginauna farhetadi nagnafami, eghuteuna ghotilo ginauna klino nei blahi ke ulugna God Kmada kate pulo mei noda Lord Jisas Kraes baludi nogna naikno blahi fateote'o.

Jenesis 20:5

Mae Ebraham neke cheke eghu ka iara, ‘Gaꞌase igne gregagu iara.’ Eghuteuna Sera gne jaola neke cheke eghu ka iara, ‘Mae igne thabusigu iara.’ Kate hata iara gaꞌase igne na, iara neke eni puhi igne ka gaoghatho te doglo. Iara neke theome eni kaisei najafra.”

Ululahu Kings 8:32

Ka narane igne, neuba iagho ne au neu kligna, iagho fanomho mei mala fadoglini puhi igne. Jame te theome doglo tutuani mana na, iagho fateni nei parani eghu leghuni unha teke eni mana na. Nu jame te doglo kolho mana na, iagho tangomana te chekeni te mana theome naba te papara na.

Nodi Khoje Hatimare Mae Jiu 9:9

Lord iagho jateula suga te maku ia eghu. Naikno te au papara ka nodi naokare, mare tangomana te tei au jare na. Kate au diꞌanagnafa na mare tangomana te tei poru jare na.

Nodi Khoje Hatimare Mae Jiu 18:21

Iara leghu fakelini nogna vetula Lord na. Iara neke theome figri tagruni nogu God na, nei iara neke theome eni kaisei puhi te diꞌa.

Nodi Khoje Hatimare Mae Jiu 35:23

Nogu Lord, kegra haghe mei togho ghau iara. Nogu God, kegra haghe mei cheke ka mare eigu iara.

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 96:10

Ghotilo cheke eghu ka naiknodi keha kantri are, “Lord na King!” Mana neke vuavuha nauthoglu igne mala au snoto mala theome ke thugha tafri ka mala augna na. Eghuteuna Lord ginauna fatedi naiknore ka puhi te doglo.