Nodi Khoje Hatimare Mae Jiu 7:8 - Buka Blahi Ka Cheke Holo

⁸ Lord, iagho tangomana te fatedi naiknore. Fate ghau iara sagho jateula iagho te fatedi keha naiknora eghu. Kate fate ghau iara iagho na, naiknore ginauna nomhini ka iagho te theome eni kaisei puhi te diꞌa iara ranghidi keha naiknore.

Nodi Khoje Hatimare Mae Jiu 7:8 ပူးပေါင်းရင်းမြစ်များ

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Ululahu Tesalonika 2:10

Kate au balumi ghotilo naikno khiloau re, ghotilo theome filoni kaisei najafra ba kaisei puhi biꞌo ka ghehati naugna ghehati nakarhami na doglo fara ke ulugna God. Ghotilo themi laseni igne. God thegna jaola laseni unha teke eni ghehati ka ghotilo na thofno klino fara.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Nodi Khoje Hatimare Mae Jiu 78:72

Mae Devet neke ghatho tahuni nogna gloku na neke reireghi fakelidi naiknore ka puhi te thofno doglo fara, nei batudi ka thofno puhi te keli.

Nodi Khoje Hatimare Mae Jiu 26:1

Lord, kilo ghau iara kaisei mae te doglo ka tathamu na sagho, naugna iara ne eni koba puhi te magnahaghedi iagho re nei iara fatutuani nigho koba neu.

Nodi Khoje Hatimare Mae Jiu 41:12

Iagho ginauna na togho ghau iara, eigna te eni iara unha te doglo na. Iagho ginauna na loku ghau iara mala au fabrahu balumu.

Nodi Khoje Hatimare Mae Jiu 26:11

Nu iara theome jateula naikno te diꞌa tuare eghu, naugna iara eni unha te keli na. Kokhoni ghau nei fakarhi ghau eghu iara sagho!

Nodi Khoje Hatimare Mae Jiu 25:21

Lord, naugna te mae keli nei doglo teu iara gne, iara tore nigho mala reireghi fakeli ghau iara.

Nodi Khoje Hatimare Mae Jiu 11:4

Lord na au ka nogna Sugablahi na. Mana au kligna mala funei frunidi naiknore, eghuteuna tathagna na mana filou ngala ka naiknore. Mana lasedi ngala unha te edi naiknore.

Nodi Khoje Hatimare Mae Jiu 9:8

Mana funei frunini nauthoglu igne ka puhi te doglo. Eghuteuna ka puhi te keli igne te fatedi mana naiknore.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Jenesis 31:53

Mae Laban ne chekedi nanghagna nodi God mae kuꞌegna tifa ra ne cheke eghu, “Nogna God mae Ebraham nei nogna god mae Naho, mana nate chekeni mae ihei gne na te huhughuni u nhaꞌa cheke igne ka tapa na.” Aonu mae Jekop ne eni kaisei nhaꞌa cheke ka nanghagna God, God mae ihei kmagna mana mae Isak teke tufru soruni tifa na.

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Proveb 19:1

Mae te kuma, nu doglo nakarhagna na teuna, mana thofno keli fara uluni mae te fameomekro na balugna nogna cheke te diꞌa na.

Nodi Khoje Hatimare Mae Jiu 82:1

God na eni kaisei faidu biꞌo kligna, eghuteuna mana na fatedi hatimare mae engel te jateula god teu te khapru faligohoni teu mana jare na.