Nodi Khoje Hatimare Mae Jiu 7:5 - Buka Blahi Ka Cheke Holo

⁵ Te eni iara kaisei glepo te diꞌa na, iagho tangomana te snakredi mae naokare mala mei ngolhi ghau nei haru famaku ghau eghu iara. Mare tangomana te tapla soru ghau nei goigoni ghau teu iara na, eghuteuna lisa soruni thinigu iara na mala thuru au jare pari ka glose na.

Nodi Khoje Hatimare Mae Jiu 7:5 ပူးပေါင်းရင်းမြစ်များ

Profet Malakai 4:3

Ka narane tuana, ghotilo na tapla ke klignadi naikno te diꞌa igre, naugna mare ginauna na jateula nakrofu khaꞌaghira eghu kolho.” Igne unha te chekeni Lord mae ihei te au nolaghi fateoteꞌo.

Profet Sekaraea 10:5

Mae igre ginauna na jateula mae nheta ka magra te tapla sorudi mae naoka re ke lamna chopu ra eghu. Eghuteuna naugna iara Lord na toghodi mare, mare ginauna uludi mae naoka re eghuteuna famamajadi iheire te chari ka hose.

Profet Habaku 3:13

Iagho eni igne mala fakarhidi nou naiknore balugna nodi king, mae ihei teke vavahi iagho igne. Iagho neke tapla sorudi nodi lida naikno te diꞌa igre mala theome tangomana mare teke kegra haghe na.

Profet Jeremaea 17:13

Lord God, ghehati maemi Israel gre fatutuani nigho. Ihei te figri tagru nigho na ginauna mamaja nogna fara. Ihei te tei koko nigho iagho na, ginauna na jateula cheke te rioriso soru ke kligna nusu ra eghu, eghuteuna ghosei me dofini teura eghu kolho. Lord, iagho jateula glokha khoꞌu te tusu mei karha na ka ghehati ra eghu.

Profet Isaia 63:3

Lord ne cheke eghu, “Iara neke tapla faparidi kmana kantri jateula mae te tapla ke kligna grep, nu theo kaisei mae te togho ghau iara teura eghu. Iara tapla ke klignadi mare, naugna iara ne diꞌatagu fara ka mare, eghuteuna dadaradi mae igre te ukru nogu pohe iara na.

Profet Isaia 10:6

Iara ginauna kuru meidi mae naoka re mala magra ka ghotilo, naugna ghotilo ne tei koko ghau iara neke bongihehe fapulo. Iara ginauna snakredi mae naoka igre mala para ghami ghotilo, naugna ghotilo ne fa ngingiri ghau iara. Maedi Asiria ginauna mei goigoni nomi namono ghotilo gre, nei blau nomi glepo ghotilo gre eghu. Mare ginauna tapla ke klignami ghotilo, jateula ihei te tapla ke kligna chopu ra eghu.

Nodi Khoje Hatimare Mae Jiu 60:12

God, jame au teu iagho balumi ghehati na, ghehati gne ginauna na theome nigra ka magra na. Eigna iagho ginauna tapla sorudi nomi naoka ghehatire.

Nodi Khoje Hatimare Mae Jiu 44:5

Uve, ka nou nolaghi nei ka khamemu eghu iagho te tapla sorudi ghehati nomi naoka gre.

Nodi Khoje Hatimare Mae Jiu 3:2

Eghuteuna mare figri tagru ghau iara ne cheke eghu, “God ginauna tirogna toghoni mana.”

Thoutonu Eigna Mae Job 16:15

“Iara diꞌanagnafagu fara eghume iara pipichi ka pohe thona, eghuteuna iara gnokro pari lamna nakrofu balu tanhi fagaglanagna nogu diꞌanagnafa na.

Ululahu Samuel 24:11

Mama, filo mei sagho ka nou nabreku pohe igne. Jame magnahaghei aknu falehe nigho iara na, iagho jame neke falehehi! Nu iara neke atha kolho katha nou nabreku pohe iagho! Filo sagho, iara theome ghathoni kaisei glepo te mala falehe nigho iagho na. Iara jaola neke theome eni kaisei glepo te diꞌa ranghi nigho iagho, nu iagho hiro ghau iara mala falehe ghau iara!

Ululahu Samuel 24:18

Gognarona, iara laseni, iagho kokhoni ghau iara. Lord neke atha mei ghau iara ka khamemu iagho, nu iagho neke theome falehe ghau iara.

Ululahu Samuel 24:20

Tutuani, iara laseni, iagho ginauna mala king gna Israel, kate funei iagho na, Israel ginauna kaisei kantri rheta fara.