Nodi Khoje Hatimare Mae Jiu 7:12 - Buka Blahi Ka Cheke Holo

¹² Jame te theome ke tughu mae te diꞌa puhidire igre, God ginauna jaha fafnonu nogna naflahi te mala magra na. Mana la kulu tarabana lolho lauhi nogna phaloho na.

Nodi Khoje Hatimare Mae Jiu 7:12 ပူးပေါင်းရင်းမြစ်များ

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Matiu 3:10

Nu gognarona God tarabana mala fate naikno jateula kaisei mae te au khila te mala kato soru gaju ra teuna la kulu auhi ka glathigna gaju na. Eghume, mana ginauna kato soru gaju te theo sisidi igre mala koko lao ka khaꞌaghi.

Profet Esikiel 18:30

“Eghume iara ginauna fate ghami ghotilo gnafa naiknomi Israel ra, eidi unha teke edi ghotilo ra. Iara Lord God cheke kate tutuani ka ghotilo: Ghotilo mala figri leghu ka nakhibomi fateote'o. Jame te eghu ghotilo na, nakhibomi ghotilo igre ginauna theome tangomana te goigoni ghami ghotilo na.

Diutronomi 32:41

iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re.

Nodi Khoje Hatimare Mae Jiu 85:4

God, fakarha ghami nei ke hata fapulo ghami eghu ka iagho. Thosei lisa koko ghami.

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?

Profet Esikiel 21:23

Naikno te gnafa Jerusalem igre ginauna theome fatutuanidi gobigna lepo igre, naugna mare neke enihi kaisei nhaꞌa cheke balugna king gna Babilonia mala au fakeli, nei au ka pharikeli eghu balugna mana. Nu king igne ginauna filodi mare te theome leghuni u nhaꞌa cheke tuana, eghuteuna mana ginauna uludi mare eghuteuna hatadi mare tei mala sosolo ka nogna kantri na.

Profet Isaia 34:5

Lord na la tarabanahi nogna naflahi mala magra na kligna, eghuteuna mana ginauna magra aknu falehedi naiknodi Idom ka naflahi igne, naugna mana la fatedihi mare.

Profet Isaia 27:1

Ka narane tuana, Lord ginauna parani mogo biꞌo ka thongna te kiloi Leviatana. Mana ginauna hata nogna naflahi fnonu na mala aknu falehe mogo igne.

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Nodi Khoje Hatimare Mae Jiu 9:5

Iagho la fatedihi naikno bongihehe te pogho soru ka mumuju ra. Iagho la roꞌe sorudihi naikno te gnognoro ra, eghuteuna naikno igre ginauna na theo kaisei naikno nate ghatho fapulodire tifa e tifa.

Nodi Khoje Hatimare Mae Jiu 129:4

Nu Lord mae ihei te doglo fara na, mana neke atha fadelei ghitahi ka naikno te diꞌa tuare.