Nodi Khoje Hatimare Mae Jiu 69:8 - Buka Blahi Ka Cheke Holo

⁸ Gognaro, mae thabusigu iara gre filo mei ka iara jateula te keha vikei eghu kolho. Eghuteuna tharakna gu iara na filo mei ka iara jateula maegu iara ka namono delei eghu.

Nodi Khoje Hatimare Mae Jiu 69:8 ပူးပေါင်းရင်းမြစ်များ

Nodi Khoje Hatimare Mae Jiu 31:11

Nogu naoka iara re cheke fahaehaghe fara ka iara. Tulao, mae kheragu iara gre mare thono cheke fadiꞌa ghau iara. Eghuteuna mae kheragu iara gre mare thono mhaghu ghau iara. Kate filo ghau iara ka nabrou na mare rikha ghau iara.

Jone 1:11

Mana mei au ka nogna namono thegna na. Nu nogna naikno thegna mana re theome keli tadi ngala ka mana.

Jone 7:5

Neubane mae thabusigna mae Jisas gre mare theome fatutuani ni mana.

Nodi Khoje Hatimare Mae Jiu 38:11

Kheragu nei vikegu teu iara re tirodi te mei namo te filodi thubugu iara re. Tharaknagu thofno iara na jaola tirodi te mei gnokro balugu iara na.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Ululahu Samuel 17:28

Aonu mae Eliab, mae ke biꞌogna mae Devet igne nomhini te cheke teu mana baludi mare igne ne diꞌatagna fara ne cheke eghu, “Ei, unha te mei eni iagho agne na? Mae ihei nate reireghidi nou phei thilo sipu te au teu ka namono nagoura? Iara lase nigho iagho kaisei mae diꞌa! Iagho mei agne mala filo nou magra kolho!”

Matiu 26:56

Nu glepo igre thoke mei ka iara gognarogne mala horoghoto ka unha teke risodi hatimare mae profet tifa ra.” Aonu kate nomhidi cheke mana igre hatimare mae fanomhore kafe rikha ne tei kokoni mana.

Nodi Khoje Hatimare Mae Jiu 89:51

Lord God, hatimare mae naoka igre mare cheke faparini mae king teke vavahi iagho igne. Ka vido aheva te tei mana na, mare maꞌeni kolho mana.

Nodi Khoje Hatimare Mae Jiu 89:52

Tahati cheke fakelini Lord tifa tifa! Amen! Amen!

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Profet Isaia 53:4

“Neuba, mana neke papara tughu ghita tahati hui. Te ghathoni tahati na mana au papara, naugna God neke parani mana.

Profet Jeremaea 15:15

Aonu iara ne cheke eghu, “Lord, iagho lase fakelini nakarhagu iara na. Naikno igre para ghau iara fabrahu. Ghatho ghau nei reireghi ghau eghu iara sagho. Tughu fapulo sagho ka mare puhi te goigoni ghau iara fabrahu mare igne. Thosei faraugha te paradi mare na, na eghunu falehe ghau iara mare eghu. Filo sagho, mare cheke fadiꞌa ghau koba iara, naugna iara nou mae gloku iagho.