Nodi Khoje Hatimare Mae Jiu 69:20 - Buka Blahi Ka Cheke Holo

²⁰ Nodi cheke mare te diꞌa fara igre, thofno goigonini fara gaoghathogu iara na. Eghuteuna gaoghathogu iara na thofno glaꞌe soru gognaro na. Iara ofoni kolho ihei te kokhoni ghau na, nu theo kaisei.

Nodi Khoje Hatimare Mae Jiu 69:20 ပူးပေါင်းရင်းမြစ်များ

Profet Isaia 63:5

Iara thofno jaglo nogu fara te theo kaisei te mei togho ghau iara na. Nu diꞌatagu iara igne te farheta ghau iara na mala uludi iara thegu mae naoka igre.

Nodi Khoje Hatimare Mae Jiu 142:4

Kate filo tafri na, iara theome filoni kaisei naikno te mala togho ghau na, ba te mala bara. Fothi ghau na. Thono theo fara kaisei mae te mei reireghi ghau na.

Nonomho Te Keli Teke Risoi Mae Mak 14:50

Aonu nogna mae fanomho manare ne kafe rikha ne tei kokoni mana.

Thoutonu Eigna Mae Job 16:2

“Iara neke nomhidihi cheke igre. Cheke igre ghotilo chekedi mala togho ghau iara, nu puhi biꞌo thoke ghau iara.

Matiu 26:56

Nu glepo igre thoke mei ka iara gognarogne mala horoghoto ka unha teke risodi hatimare mae profet tifa ra.” Aonu kate nomhidi cheke mana igre hatimare mae fanomhore kafe rikha ne tei kokoni mana.

Hibru 11:36

Keha naikno te fatutuani ni God re, mae naoka gre maedi nei puridi. Eghuteuna kehare, mare haru ka chen khamedi nei ghahedi teure mala koko lao kau suga sosolo.

Jone 16:32

Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Nonomho Te Keli Teke Risoi Mae Mak 14:37

Aonu mae Jisas neke pulo ka thilo mae fanomhore ne filodi thilomare te thuru teure. Mana ne cheke eghu ka mae Pita, “Ghema Simon, thuru nou kolho sagho ia? Theome tangomana sagho te dofra balugu iara kaisei aoa naia?”

Nodi Khoje Hatimare Mae Jiu 123:4

Naugna funu tifa te mei na mae te dedei gre, mare ghatho tahudi fara thedi igre, mare cheke fapari ghami ghehati.

Nodi Khoje Hatimare Mae Jiu 42:10

Nodi cheke mae te diꞌa fara are ngala te jaꞌi ghau iara re. Leuleghu fata na mare cheke eghu koba ka iara, “Aheva gne nou God iagho na?!”

Nodi Khoje Hatimare Mae Jiu 42:6

Ka vido te au teu iara ke kosigna nogu kantri na, iara gaoghathogu na thono diꞌa fara, eghume gaoghathogu na iara ke ghatho fapulo nigho. Uve, iara ghatho nigho naugna iagho neke togho ghami fabrahu ka namono Israel, ka vido aheva te au Khoꞌu biꞌo Jordan, nei phei Thogele Hemon ghe Misa. Nu gognaro na puhi biꞌo thoke ghau iara jateula galo fari hotei nhorora eghu. Puhi biꞌo igre mei jateula nabritha te mei te knoho iara ra eghu. Tutuani fara, puhi igre mei jateula khoꞌu te jaja soru te oa'ongha fabiꞌo ra eghu, ba jateula fila teura eghu.