Nodi Khoje Hatimare Mae Jiu 69:18 - Buka Blahi Ka Cheke Holo

¹⁸ Mei fakarhi ghau, nei mei atha fajifla ghau eghu ka khamedi nogu naoka gre.

Nodi Khoje Hatimare Mae Jiu 69:18 ပူးပေါင်းရင်းမြစ်များ

Nodi Khoje Hatimare Mae Jiu 111:9

Mana neke fakarhi ghita tahati nogna naikno gre, nei eni u nhaꞌa cheke te theo ka huigna igne baluda tahati. Mana mae blahi nei nolaghi fara eghu.

Nodi Khoje Hatimare Mae Jiu 22:19

Nu, God, thosei tei koko ghau iara. Ghosei mei mala fakarhi ghau iara. Eigna iagho ngala mae ihei te mala farheta ghau iara.

Nodi Khoje Hatimare Mae Jiu 22:1

Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Profet Jeremaea 14:8

Iagho God, ghehati maemi Israel au nomi grouronu biꞌo tamu. Eghuteuna kate thoke ghami hoholo na, iagho na fakarhi ghami. Eghume, naugna unha sagho te jateula kaisei mae te theome lase ghami ghehati teu gnea? Naugna unha sagho te jateula kaisei mae phosa te mei thuru kaisei bongi kolho nu kela tei koko ghamila ghehati teu gnea?

Nodi Khoje Hatimare Mae Jiu 49:15

Nu God ginauna fakarhi ghau iara kau glehe.

Nodi Khoje Hatimare Mae Jiu 31:5

Lord, iara nou naikno gloku gne. Iara lisa ari nakarhagu na ka khamemu iagho. Iara laseni eigna iagho ginauna na fakarhi ghau iara, naugna iagho ne taji fabrahu ghau iara.

Nodi Khoje Hatimare Mae Jiu 10:1

Lord, naugna unha sagho te au fakhaba ka ghehati gnea? Naugna unha sagho te poru teu kate au teu ghehati kau hoholo gnea?

Thoutonu Eigna Mae Job 6:23

Iara theome cheke ghami ghotilo te mala mei foli fajifla ghau ka nogu naoka iara igre. Eghuteuna iara theome tore ghami ghotilo mala fakarhi ghau ka khamedi mae te diꞌa igre.”

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Diutronomi 32:27

Nu iara laseni jame te eni iara igne na, nomi naoka ghotilore ginauna cheke fadiꞌa eghu ghau iara, “Ghehati neke uludi naiknodi Israel ka nomi nolaghi themi, Lord neke theome togho ghami ghehati neke uludi mare!” ’

Nodi Khoje Hatimare Mae Jiu 22:12

Kmana naoka mei falithui ghau iara jateula bukrei buluka te diꞌatadi ra eghu ka iara. Mare nheta fara jateula bukrei buluka di Besan ra eghu fara.

Nodi Khoje Hatimare Mae Jiu 22:20

Hata fapulo ghau, eigna mae igre ginauna mei falehe ghau iara. Iagho togho ghau iara eigna mae igre jateula khuma eghu na mei falehe ghau iara. Iara gne ginauna theome karhahi.

Nodi Khoje Hatimare Mae Jiu 27:9

God, thosei poru ka iara, naugna iagho mae ihei te fakarhi ghau iara na. Iara nou mae gloku iagho, thosei diꞌatamu ka iara. Iagho neke togho ghau iara kmana fata, thosei tei koko ghau iara.

Nodi Khoje Hatimare Mae Jiu 143:7

Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Lamentations 3:57

Iagho neke mei rhegu iara mala togho ghau iara neku neke cheke eghu ka iara, “Thosei mhaghu.”