Nodi Khoje Hatimare Mae Jiu 69:11 - Buka Blahi Ka Cheke Holo

¹¹ Kate pipichi iara pohe te thonare, fagaglana eigna te diꞌanagnafa iara na, mare maꞌe ghau iara.

Nodi Khoje Hatimare Mae Jiu 69:11 ပူးပေါင်းရင်းမြစ်များ

Profet Jeremaea 24:9

Iara ginauna na neneidi fara mare, eghuteuna naiknodi keha kantri ka nauthoglu igne ginauna rhana nodi fara ka mare. Iara ginauna khi tafridi, eghuteuna aheva te au mare na, naikno te au ka vido tuana ginauna maꞌedi, cheke fadiꞌadi nei tibridi eghu mala thoke mei puhi biꞌo ka mare.

Ululahu Kings 9:7

iara ginauna na khi fajifla ghami ghotilo mala jifla ghotilo ka namono teke tusu ari iara ka ghotilo igne. Eghuteuna iara ginauna theome au ka Sugablahi teke fablahi iara mala pogho soruni nanghagu iara na teku igne. Eghuteuna naiknodi keha kantri are ginauna cheke fadiꞌa ghami nei maꞌe ghami eghu ghotilo naiknomi Israel.

Thoutonu Eigna Mae Job 17:6

“Gognarona mare te gnafa na maꞌeni nanghagu iara na, eghuteuna mare kmisu ka phei tathagu iara re.

Profet Joel 1:13

Ghotilo mae pris te mala fafara ke kligna olta ra, ghotilo pipichi ka pohe te thona, fagaglanagna te diꞌanagnafa ghotilo na. Ghotilo tei tanhi ghilei rane ka Sugablahi gno, naugna gognaro na theo kaisei gano, ba waen te mala fafara ka noda God na.

Profet Joel 1:8

Eghume, te chekeni iara ka ghotilo na, ghotilo te gnafa na, ghotilo mala diꞌanagnafa nei tanhi eghu, jateula kaisei gaꞌase te tanhi kate lehe mae nalhaꞌu teke magnahagheni naꞌa ra eghu.

Profet Isaia 22:12

Lord mae ihei te au nolaghi fateote'o igne neke cheke ranghi ghami ghotilo mala tanhi fabiꞌo. Eghume ghotilo ghoighori phaꞌumi are eghuteuna ghotilo pipichi ka pohe te thona, fagaglana gna te diꞌanagnafa fara ghotilo eidi nakhibomire.

Profet Isaia 20:2

Nu kate theome thoke mei nga teu puhi igne na, Lord neke cheke eghu ka iara, “Isaia, thugna mae Emos, iagho koko pohe thona te pipichi iagho tuana baludi sadol te fahaghe iagho are, fagaglana gna nou diꞌanagnafa na, eghuteuna iagho mala soesole tei kolho.” Eghume iara leghuni kolho unha te chekeni Lord ka iara igne.

Diutronomi 28:37

Aonu ka namono aheva Lord nate kuru tei ghami ghotilo tuana, naiknore ginauna tirodi filo ghami, cheke goigoni ghami, nei na nagho ghami eghu ghotilo.

Nodi Khoje Hatimare Mae Jiu 109:24

Iara thono glaꞌe fara, naugna iara ne theome ima, nei thinigu na la gagaro fara eghu!