Nodi Khoje Hatimare Mae Jiu 68:8 - Buka Blahi Ka Cheke Holo

⁸ Ka narane tuana glose na neke nghali eghuteuna nakhete biꞌo na neke soru mei, naugna nodi God mae Israel neke soru mei ka Thogele Sanai.

Nodi Khoje Hatimare Mae Jiu 68:8 ပူးပေါင်းရင်းမြစ်များ

Eksodas 19:18

Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Hibru 12:26

Tifa na ka u narane tuana u nauthoglu gne neke nghali ka naoglagna God. Nu ka narane gognaro gne mana nhaꞌa cheke eghu ka tahati, “Kaisei fata ginauna iara nake fakheuni nauthoglu igne, nei iara ginauna na fakheu nila balugna maloa gne.”

Profet Isaia 45:3

Iara ginauna tusu ari ka iagho glepo te keli teke pophoru mare lamna vido te romno are mala tangomana iagho te laseni puhigu iara Lord, nodi God mae Israel. Eghuteuna iara na kiloni nanghamu iagho na mala mei.

Nodi Khoje Hatimare Mae Jiu 77:18

Iagho neke eni fila gne mala poha fabiꞌo, eghuteuna iagho neke eni nakafli gne mala khafli ka namono te gnafa ka nauthoglu igne, eghuteuna glose gne na nghali jateula kaisei mae te mhaghura eghu.

Nodi Khoje Hatimare Mae Jiu 68:35

Kate jifla mei God ka sugagna te blahi na, naiknore mhaghuni mana, mare ghatho tahuni mana. Mana noda God tahati maeda Israel. Mana tusu mei nolaghi biꞌo ka tahati mala nheta tahati. Tahati cheke fakelini God!

Nodi Khoje Hatimare Mae Jiu 41:13

Tahati cheke fakelini Lord, eigna mana noda God tahati naiknoda Israel. Tahati cheke fakelini mana fabrahu tifa tifa. Amen. Amen.

Profet Isaia 64:3

Tifa na iagho neke mei edi glepo teke theome ghathodi nei mhaghudi teku ghehati ra. Ka narane tuana, thogele te gnafa igre neke filo nigho iagho, eghuteuna thogele igre neke jateula naikno te mhaghu te fififri fara ra neku.

Nodi Khoje Hatimare Mae Jiu 114:7

Kate mei God, mae ihei teke pogho soruni mae Jekop na, u glose na nghali ne jifla mei khoꞌu na ka thina. Uve, kate mei Lord na, khoꞌu na jaola ne jifla mei ka thina maku na.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Profet Habaku 3:13

Iagho eni igne mala fakarhidi nou naiknore balugna nodi king, mae ihei teke vavahi iagho igne. Iagho neke tapla sorudi nodi lida naikno te diꞌa igre mala theome tangomana mare teke kegra haghe na.

Profet Isaia 64:1

Lord ghehati magnahaghei nigho iagho te tora maloa gne mala soru mei ka nauthoglu igne! Eghuteuna kate mei iagho na, thogele te gnafa igre ginauna filo nigho nei na mhaghu nodi fififri fara ke ulumu iagho.

Eksodas 13:18

Aonu God ne batudi mare ne lithui fei namono nagou na ne mei posa ka Thongna Ukru na baludi nodi glepo te mala magra re.

Jajis 4:14

Aonu, Debora ne eha eghu tei ka mae Barak, “Tei si ghotilo! Gognarogne, Lord ginauna togho ghami ghotilo mala uludi mare, naugna mana nate batu ghami ghotilo ka magra igne! Mana la lilisehi Sisera ke parigna noda nolaghi tahati!” Aonu Barak ne batudi ne soru nabotho thogha nogna soldia funu ka thogele Teboa.