Nodi Khoje Hatimare Mae Jiu 68:5 - Buka Blahi Ka Cheke Holo

⁵ God mae ihei te au teu ka nogna suga te blahi na, mana reireghidi goro sua te glehe kokoi, ba goro gaꞌase te lehe khetodire.

Nodi Khoje Hatimare Mae Jiu 68:5 ပူးပေါင်းရင်းမြစ်များ

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Profet Jeremaea 49:11

Nu ghotilo thosei nangadi goro sua te lehe idodi nei kmadi teure. Iara ginauna reireghidi. Eghuteuna goro naikno biꞌo te lehe khetodi ra, rehati tangomana te rouronu ghau iara na.”

Diutronomi 10:18

Mana reireghi fakelidi naikno biꞌo te lehe khetodi re nei naikno glehe kokoi, mala theome chaghidi mare. Mana fakakhana nogna namha na ranghidi naikno phosa te au balumi ghotilo eghuteuna tufa ghedi gano nei nodi pohe.

Profet Jeremaea 5:28

Leuleghu fata na mare ima gano te keli, mare boho biꞌo thiꞌadire. Mare theome gnafa te eni puhi te diꞌa na, ba puhi te fameomekro na ka goro sua te glehe kokoi. Eghuteuna kate thokedi puhi biꞌo naikno te kuma igre, mare tirodi toghodi nafnata naikno igre.

Nodi Khoje Hatimare Mae Jiu 146:9

Mana reireghi fakelidi iheire te posa mei ka namonodare, nei toghodi naikno biꞌo tela lehehi khetodire ba goro sua te glehe kokoi, nu mana fanogra nabroudi iheire te diꞌa puhidire mala theome eni mare unha te magnahagheni na.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 72:4

Te keli na jame mae king tangomana te fadoglidi puhidi iheire te kuma, nei toghodi naikno te theo kaisei nodi glepo. Eghuteuna tapla sorudi iheire te magnahaghei goigonidi keha naiknore.

Nodi Khoje Hatimare Mae Jiu 10:18

Iagho ginauna na nomhidi nodi natanhi goro sua te glehe kokoi nei iheire te au kokhonidi. Iagho ginauna toghodi nei tapla sorudi naikno te diꞌa igre. Te eghu na naikno nogna nauthoglu igne ginauna nake theome eni kaisei puhi te diꞌa ka mare.

Fapea Kronikols 6:2

Gognarona iara la horohi kaisei famane Sugablahi malamu iagho. Kaisei vido mala au fabrahu iagho tagna.”

Efesus 5:1

Ghotilo goro thugna God, eigna mana namha ghami ghotilo. Eghume ghotilo mala leghudi puhigna mana re.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Nodi Khoje Hatimare Mae Jiu 33:14

Mana au neu jare ka sape nafnakno te mala funei fruni na ne filo soru ka naikno te gnafa te au teu ka nauthoglu gne.

Fapea Kronikols 30:27

Aonu mae pris nei mae Livaet teu igre ne kegra haghe ke uludi naiknore ne tarai ka God mala fablahidi naikno igre. Eghuteuna God mae ihei te au kligna ka nogna namono blahi na ne nomhidi nodi tharai mare re.

Profet Hosia 14:3

Hatimare maedi Asiria theome tangomana te fakarhi ghami ghehati na. Eghuteuna hose te mala magra igre jaola theome tangomana te togho ghami na. Ghehati ginauna na theome cheke eghu ka mumuju teke hohoro kolho themi igre, ‘Ghotilo nomi god ghehati teuna.’ Lord, kokhoni ghami, naugna ghehati gne jateula sua glehe kokoi eghu theo ihei te mala togho ghami na.”

Diutronomi 26:15

Iagho au kligna ka nou vido blahi na. Filo soru sagho ka ghehati naiknomi Israel, mala fablahi ghami, nei fablahini famane glose te keli tela tusu meihi iagho ka ghehati jateula teke nhaꞌa chekeni iagho ka kuꞌemi ghehati tifa ra.’ ”

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Nodi Khoje Hatimare Mae Jiu 118:19

Tothora fabiꞌo grengathagna nogna Sugablahi Lord mala ruma iara mala tegioni mana.

Nodi Khoje Hatimare Mae Jiu 150:6

Ghotilo gobigna lepo te karha, kilo fnaknoni Lord. Uve, tahati kilo fnaknoni Lord!

Profet Isaia 12:4

Ka narane tuana, vikeda tahati gre ginauna koje eghu: “Tahati mala cheke tegioni Lord! Uve, tahati cheke fakelini nanghagna te biꞌo! Eghuteuna tahati toutonuni ka naiknodi keha kantri are eidi unha teke edi God ra! Tahati toutonuni nanghagna mana te haghe fara salaꞌudi keha nangha te gnafare.