Nodi Khoje Hatimare Mae Jiu 68:33 - Buka Blahi Ka Cheke Holo

³³ Ghotilo koje ranghini mae ihei te nolo tafri teu ka maloa kligna, maloa igne neke au vuha tifa. Fanomho si ghotilo, mana eha fabiꞌo jateula fila eghu.

Nodi Khoje Hatimare Mae Jiu 68:33 ပူးပေါင်းရင်းမြစ်များ

Nodi Khoje Hatimare Mae Jiu 104:3

Eghuteuna iagho neke hohoro nou suga na ka maloa. Iagho neke eꞌei grokho na mala jateula nou chariot eghu, mala saghe kate gaghafa teu nuri na.

Nodi Khoje Hatimare Mae Jiu 18:10

Kaisei engel ne palani mana ne ghosei flalo ne mei ka nuri biꞌo na.

Nodi Khoje Hatimare Mae Jiu 68:4

Tahati koje ranghini God, tahati koje kilo fnaknoni nanghagna mae ihei te gnokro teu ke kligna grokho. Nanghagna na Lord. Tahati glealeꞌa ke ulugna mana.

Nodi Khoje Hatimare Mae Jiu 93:2

Lord God, kani theome vuavuha nga teku iagho thua nafnotu fateote'o ka nauthoglu igne, iagho neke kulu King neku ngala. Iagho King fabrahu tifa tifa.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 11:12

Aonu ka vido tuana phei mae profet igre ne nomhini kaisei cheke ne cheke mei funu kligna, ne eha eghu fabiꞌo, “Mei, haghe agne!” Kate filo leuleghu teu nodi naoka phiamare re, phiamare ne haghe kligna ke lamnagna kaisei grokho.

Profet Esikiel 10:5

Eghuteuna naogla baghidi engel igre thono biꞌo fara, mala tangomana naiknore te nomhidi neubane kegra mei neu delei ka keha philegna glalaba biꞌogna Sugablahi na. Naogla igne thono biꞌo fara jateula naogla gna Lord mae ihei te au nolaghi fateote'o eghu kate cheke teu mana na.

Nodi Khoje Hatimare Mae Jiu 102:25

Funu tifa te mei na, iagho ngala teke vuavuha u nauthoglu igne na, eghuteuna iagho neke vuavuhadi maloa nei thua lepo te au ke lamnagna.

Nodi Khoje Hatimare Mae Jiu 46:6

Kate diꞌatagna God te fnaja fabiꞌo jateula fila teuna, naikno bongihehe ka nauthoglu gne ginauna blalho jateula khoꞌu eghu. Eghuteuna naiknore ginauna mhaghu nodi fara kate nghali te diha nodi namono na.

Diutronomi 10:14

“Kligna nei nauthoglu nei gobigna lepo fateote'o te au ke lamnadi teu igre nogna Lord nomi God ghotilo khotodi re.

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Nodi Khoje Hatimare Mae Jiu 66:1

Tahati cheke fakelini God! Tahati glealeꞌa, tahati koje ranghini mana!

Nodi Khoje Hatimare Mae Jiu 66:2

Tahati koje mala pala hagheni nanghagna mana na! Tahati cheke fakelini mana. Tahati pala hagheni mana!