Nodi Khoje Hatimare Mae Jiu 68:3 - Buka Blahi Ka Cheke Holo

³ Nu ghotilo naikno te keli ra keli tami nei glealeꞌa eghu ke ulugna God, ghotilo glealeꞌa balu eha fabiꞌo.

Nodi Khoje Hatimare Mae Jiu 68:3 ပူးပေါင်းရင်းမြစ်များ

Nodi Khoje Hatimare Mae Jiu 64:10

Naikno te doglo re ginauna keli tadi fara ka unha te edi Lord re, eghuteuna mare ginauna tei vido te keli ka mana mala poru na. Eghuteuna naikno te keli igre ginauna cheke fakelini mana.

Ululahu Tesalonika 5:16

Gleale'a koba.

Thakle 19:7

Tahati keli tada nei gleale'a fara eghu, nei tahati pala hagheni nanghagna na. Naugna narane mala gaghamu tholaghi gna Lam na, nei khupi na la tarabanahi mare te mala tolaghi na.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Nodi Khoje Hatimare Mae Jiu 97:12

Puhimi ghotilo te gnafa na thofno doglo fara, ghotilo mala glealeꞌa nei cheke fakelini Lord mae ihei te blahi.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Nodi Khoje Hatimare Mae Jiu 58:10

Naikno te keli re ginauna keli tadi kate filoni mare te paradi iagho naikno te diꞌa re. Mare ginauna na keli tadi fara kate filoni mare te falehe fahuidi iagho re.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Nodi Khoje Hatimare Mae Jiu 21:1

Lord, nomi king ghehati gne mana thofno glealeꞌa fara ka iagho eigna iagho neke tusu ranghini mana u nolaghi. Mana thofno glealeꞌa fara eigna iagho neke tapla sorudi nogna naoka mana re.

Diutronomi 12:12

Ka vido blahi tuana ghotilo tangomana te glealeꞌa ke ulugna Lord. Ghotilo baludi thumi nalhaꞌu nei thumi gaꞌase, nei nomi mae gloku teure, ghotilo te gnafa na tangomana te glealeꞌa jare na. Eghuteuna ghotilo mala edi vikedi mae Livaet te au ka nomi namono ghotilo are mala mei glealeꞌa balumi ghotilo jare, naugna mare theo nodi glose thedi.

Nodi Khoje Hatimare Mae Jiu 32:11

Ghotilo naikno te doglo fara puhimira, ghotilo kelitami nei glealeꞌa eghu ka glepo te keli te edi Lord re! Ghotilo naikno te keli ka tathagna Lord ra, ghotilo mala glealeꞌa balu koje fabiꞌo!

Nodi Khoje Hatimare Mae Jiu 37:20

Nu naikno te diꞌa na ginauna lehe. Nogna naoka Lord na ginauna dofidi jateula chechenge gaju eghu. Tutuani fara, mana ginauna jateula gagahu khaꞌaghi eghu kolho dofidi aheva te tei na.

Nodi Khoje Hatimare Mae Jiu 75:4

Iara cheke ka naikno te diꞌa puhidi gre mala thosei fahaehaghe,