Nodi Khoje Hatimare Mae Jiu 68:25 - Buka Blahi Ka Cheke Holo

²⁵ Mae te koje re tei ke leghumu iagho, eghuteuna ke leghudi mare na hatimare mae nifu. Aonu goro gaꞌase ne koje falithuidi mare ne ruma ka Sugablahi na re.

Nodi Khoje Hatimare Mae Jiu 68:25 ပူးပေါင်းရင်းမြစ်များ

Ululahu Kronikols 13:8

Eghuteuna mae Devet baludi kmana naikno di Israel, mare nolo ne tei balu ragi fara nei koje fabiꞌo eghu mala cheke fakelini nanghagna God. Eghuteuna mare ne lalahu ka thua nafnata gita, nei nifu, nei belo nei sesele.

Jajis 11:34

Jefta au kaisei thugna gaꞌase kolho, mana theo kaisei thugna nalhaꞌu. Kate pulo mei Jefta Mispa ka nogna namono na, thugna gaꞌase mana na jifla mei ne thafoni mana. Naꞌa ragi ne jifla mei balu nogna tamborin.

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Profet Jeremaea 31:13

Ka narane igne, goro gaꞌase majaghani re ginauna ragi balu gleale'a, eghuteuna mae majaghani nei mae biꞌo teure ginauna jaola loku fodu mala ragi nei gleale'a eghu baludi. Iara ginauna fameomego nagnafadi mala theome diꞌanagnafa, nu mala gleale'a nodi fabrahu kolho mare eghu.

Profet Jeremaea 31:4

Ghotilo nogu naikno iara. Iara ginauna na fakegra haghe ghami ghotilo maemi Israel mala kaisei vike te rheta tulao. Eghume ghotilo ginauna lalahu taborin nei ragi balu gleale'a.

Nodi Khoje Hatimare Mae Jiu 87:7

Naikno te au ka namono Jerusalem, mare ginauna koje nei glealeꞌa eghu. Mare ginauna cheke eghu, “God na thofno fablahi ghami ghehati Saion ka noda famane namono tahati gne!”

Ululahu Samuel 18:6

Kaisei fata ke leghugna te aknu falehe mana mae nhetagna Filistia igne, armi igne neke figri neke pulo ka namono. Goro gaꞌase te gnafa Israel igre jifla mei ne thafoni king Sol. Rehati gleale'a fara ne lalahu ka tamborin balu gita ne koje balu ragi.

Nodi Khoje Hatimare Mae Jiu 63:3

Nou namha iagho na thofno biꞌo fara salaꞌuni nauthoglu igne, tutuani fara, biꞌo salaꞌudi thua nafnata fateo te au ka nakarhagu iara gne. Naugna igne iara magnahaghei te cheke fakeli nigho.

Nodi Khoje Hatimare Mae Jiu 77:14

God, kaisei iagho ngala te tangomana te edi kofubobhoire. Uve, tifa na iagho neke fakakhana nou nolaghi na ka keha naiknore.