Nodi Khoje Hatimare Mae Jiu 68:17 - Buka Blahi Ka Cheke Holo

¹⁷ Noda Lord na neke jifla mei ka Thogele Sanai neke mei au ka nogna suga te blahi na. Mana neke mei balu nogna soldia nei kmana thogha chariot mala magra.

Nodi Khoje Hatimare Mae Jiu 68:17 ပူးပေါင်းရင်းမြစ်များ

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.

Thakle 5:11

Kate filo lao iara na, iara ne nomhini khojedi kmana mola mola engel, theome tangomana te kahadi. Mare ne kegra falithuni nogna sape nafnakno mae King na baludi fati glepo te karhare nei hatimare mae biꞌo ka khiloaure.

Matiu 26:53

Tutuani fara iagho lasenihi igne. Iara tangomana te toreni mae Mama te mala kuru mei kmana thogha engel te mala togho ghau iara na.

Profet Habaku 3:8

Lord, kate lhotidi iagho khoꞌu eghuteuna fofota thongna na teu igne, ba, iagho neke diꞌatamu ka ghehati sia? Theo! Kate mei toghodi iagho nou naiknore te mala uludi mae naokare, iagho neke mei jateula kaisei nou soldia nei hose nei chariot eghu.

Thakle 9:16

Te nomhini iara ka mare na, tothoghei mae soldia te gnokro ka hose na mare kaikaliti mala tei ka magra, mare thokeni phei gobi mola.

Nodi Khoje Hatimare Mae Jiu 18:10

Kaisei engel ne palani mana ne ghosei flalo ne mei ka nuri biꞌo na.

Eksodas 3:5

Aonu God ne cheke eghu ka mana, “Moses, thosei mei namo agne! Hata koko nou sadol are, naugna glose te kegra teu iagho igne blahi fara!

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Profet Isaia 2:2

Ka narane nate mei mana na, thogele te kegra nogna Sugablahi Lord igne, ginauna ulu salaꞌudi gnafa keha thogele are. Eghuteuna naikno te gnafa ka keha kantri are ginauna tangomana te salo fodu mei tagna.

Profet Esikiel 43:7

Lord ne cheke eghu, “Maegna ka nauthoglu. Igne nogu sape nafnakno biꞌo iara te mala gnokro jateula king teuna. Iara ginauna au balumi ghotilo naiknomi Israel mala funei fruni fabrahu tifa tifa. Naiknodi balu nodi king, mare neke leghudi god te diꞌa, eghuteuna tarai ka mumuju te theo karha tadi, teke lisei haghe hatimare mae king ka vido blahi ra. Nu mare ginauna theome tangomana na teke lausasaba nanghagu iara te blahi na.

Profet Esikiel 43:9

Naiknore mala koko puhi te diꞌa te leghudi nodi god te diꞌa hatimare mae king nei mumuju te theo karha tadi igre eghu. Jame eni mare igne meuna, iara ginauna au baludi tifa tifa.