Nodi Khoje Hatimare Mae Jiu 68:11 - Buka Blahi Ka Cheke Holo

¹¹ Noda Lord neke cheke ranghidi naiknore, eghuteuna kmana gaꞌase ne jifla ne tei toutonuni chekegna mana igne.

Nodi Khoje Hatimare Mae Jiu 68:11 ပူးပေါင်းရင်းမြစ်များ

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Nodi Khoje Hatimare Mae Jiu 68:25

Mae te koje re tei ke leghumu iagho, eghuteuna ke leghudi mare na hatimare mae nifu. Aonu goro gaꞌase ne koje falithuidi mare ne ruma ka Sugablahi na re.

Nodi Khoje Hatimare Mae Jiu 40:3

Mana neke farirhiu ghau iara kaisei khoje majaghani mala koje kilofnaknoni ngala God. Kate filoni igne ka iara na kmana naikno ginauna pala hagheni nei fatutuani ni eghu nanghagna Lord.

Eksodas 14:15

Eghuteuna Lord ne cheke eghu ka mae Moses, “Naugna unha sagho te kilo ghau iara koba te mala togho nigho na gnea? Chekedi sagho mae Israel are mala tei faꞌulu.

Jajis 4:6

Kaisei narane, naꞌa ne fatei cheke ka mae Barak, thugna mae Abinoam, jare Kedes ka nogna glose Naftali, mala mei filoni naꞌa. Eghuteuna kate mei thoke mana ka naꞌa na, Debora ne cheke eghu ka Barak, “Lord nodi God naiknodi Israel igne ne cheke eghu ka iagho, ‘Iagho tei kilodi nabotho thogha mae mala magra ka vikedi Naftali ghe Sebulun. Iagho batudi mare tei ka thogele Teboa.

Thakle 19:13

Eghuteuna pohe te pipichi mana na bothu ka dadaradi nogna naoka teke tapla sorudi kau magra na. Mare kiloni mae igne nanghagna na, “Chekegna God.”

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Ululahu Samuel 18:6

Kaisei fata ke leghugna te aknu falehe mana mae nhetagna Filistia igne, armi igne neke figri neke pulo ka namono. Goro gaꞌase te gnafa Israel igre jifla mei ne thafoni king Sol. Rehati gleale'a fara ne lalahu ka tamborin balu gita ne koje balu ragi.