Nodi Khoje Hatimare Mae Jiu 68:10 - Buka Blahi Ka Cheke Holo

¹⁰ Nou naikno iagho re neke hohoro nodi namono jare ka glose tuana, eigna puhimu iagho na ne thofno keli fara ne faghedi gano fabrahu naikno te kuma re.

Nodi Khoje Hatimare Mae Jiu 68:10 ပူးပေါင်းရင်းမြစ်များ

Nodi Khoje Hatimare Mae Jiu 74:19

Thosei snakredi mae naoka te diꞌa fara puhidire igre mala fakokhoana ghami ghehati nou naikno iagho gre. Eigna ghehati gne thofno ulu tulao ka tathamu iagho na! Iagho thosei ghatho iho ghami ghehati eigna naikno te diꞌa igre fakokhoana ghami ghehati fara.

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Ululahu Pita 5:3

Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.

Luku 1:53

Mana toghodi iheire te rofo re mala fabohodi ka gano te keli. Mana brue fadelei iheire te dedei fara mala ke kuma.

Nodi Khoje Hatimare Mae Jiu 78:20

Uve, tutuani fara, God na neke piphike thina re ne loloro mei fabiꞌo khoꞌu na, nu mana theome tangomana te tusu mei gano ka tahati na eghu.”

Nodi Khoje Hatimare Mae Jiu 65:9

Iagho falalase ka naiknore te reireghini teu iagho nauthoglu igne, naugna iagho ne snakre meini ne u nakhete na mala fabuabublani glose na mala gri haghe kmana gano. God, iagho neke edi khoꞌu gre mala fodu fabrahu, eghuteuna eni glose gne mala karha te vuragha gano na maladi naiknore. Igne puhimu iagho.

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Diutronomi 26:5

Aonu iagho cheke eghu ke ulugna Lord nou God, “ ‘Kuꞌegu iara maegna Aram, mana theo kaisei nogna namono thegna. Mana hata tharaknagna na ne tei au Ijep. Kate tei mare na, mare theome kmana, nu kate au mare ka namono na, mare kaisei vike te rheta, nei au kmana vike tagna.

Naba 16:3

Mare mei ka mae Moses ghe mae pris Eron ne cheke eghu, “Tore! Ghotilo raꞌe la salaꞌui fara! Unha site nhaꞌa fahaghe ghami themi ghopa ke klignami ghehati gnafa gnea? Naikno te gnafa igre naikno blahi, eghuteuna Lord na au balumi ghehati la!”

Ululahu Kings 8:36

Jame te eghuna, neuba iagho ne au neu kligna, fanomho mei ka nodi tharai naikno gre. Hata fadelei nakhibodi nou naikno Israel igre. Farirhiudi ka puhi te doglo, eghuteuna snakre mei nakhete ka vido glose teke tusu lao iagho ka nou naiknore mala au fabrahu tagna.

Nodi Khoje Hatimare Mae Jiu 65:10

Iagho snakre mei kmana nakhete ke klignadi nagare, teke joꞌuni naiknore mala bothu glose na. Uve, iagho neke eni glose na neke fapila mala karha kmana gano eghu.

Nodi Khoje Hatimare Mae Jiu 65:11

Iagho thofno lolokeli ranghi ghami ghehati ne fabruara kmana gano. Ka vido aheva te tei iagho na iagho tusu mei kmana gano ka naiknore.

Profet Isaia 40:29

Mana tusu lao narheta ka iheire te babaꞌo. Eghuteuna tusu lao nolaghi ka iheire te nigra.