Nodi Khoje Hatimare Mae Jiu 68:1 - Buka Blahi Ka Cheke Holo

¹ God, faghosei mei mala gigi teidi naikno te tirodi nigho gre mala rikha tei mare delei.

Nodi Khoje Hatimare Mae Jiu 68:1 ပူးပေါင်းရင်းမြစ်များ

Naba 10:35

Leuleghu fata kate pala te tei mare bokis blahi igne, mae Moses ne tarai eghu, “Lord, snakredi nou mae naoka re mala sopa au mare thedi. Iara tore nigho mala edi iagho keha glepo mala rikha tafri naikno te theome magnahaghei nigho are!”

Nodi Khoje Hatimare Mae Jiu 44:26

Mei sagho mala togho ghami ghehati! Naugna iagho namha ghami ghehati fara, mei sagho fakarha ghami ghehati.

Nodi Khoje Hatimare Mae Jiu 89:10

Iagho neke faleheni mogo biꞌo ka thongna te kiloi Rehab. Uve, iagho neke tapla sorudi nou naokare ka nou nolaghi biꞌo na.

Profet Isaia 33:3

Naoglamu iagho na jateula fila eghu, eghuteuna kate nomhi nigho naiknodi keha kantri re, mare ginauna rikha. Kate fakakhana iagho nou nolaghi biꞌo na, mare ginauna mhaghu rikha.

Fapea Kronikols 6:41

“Lord God, iagho mei au fabrahu ka nou vido iagho igne balugna Bokis Blahi te fakakhana nou nolaghi biꞌo iagho. Lord God, iagho snakredi nou mae pris gre mala filo ari fabrahu ka iagho mala fakarhidi iagho, eghuteuna iagho snakredi iheire te ghatho tahu nigho iagho gre mala kelitadi fara mare ka puhimu iagho te keli igre.

Nodi Khoje Hatimare Mae Jiu 68:30

Kantri Ijep jateula kaisei nasava te poru teu fari hotei buburu ka khoꞌu ra eghu. Diꞌa tamu sagho ka hatimare mae biꞌo nei naiknodi teu Ijep ghilei mei tufru soru nigho mare nei mei tusu ranghi nigho nodi sileni re eghu ka iagho mala rikha sopagna thei mae te rodi magra re.

Nodi Khoje Hatimare Mae Jiu 68:14

Ka narane igne God mae ihei te au nolaghi te biꞌo na neke tapla sorudi hatimare mae king, aonu nhubradi hatimare armi ne chara ka thogele biꞌo Salmon neku.

Nodi Khoje Hatimare Mae Jiu 59:11

God, tapla sorudi sagho, nu thosei falehedi eghu, na eghunu ghatho ihoni naiknodi Israel gre glepo igre eghu. Mare mala ghatho fakelini u puhi teke paradi iagho nou naokare. Iagho nomi mae funei ghehati ia, bara fothi ghami mala thosei khale ghami puhi biꞌo. Brue teidi sagho mae naokare ka nou nolaghi na mala rikha tei mare.

Nodi Khoje Hatimare Mae Jiu 21:8

King, iagho ginauna salo fodudi nou naoka te figri tagru nigho are mala koko laodi kau suga sosolo.

Diutronomi 7:10

Nu ka iheire te tirodini mana re, mana ginauna ghosei paradi nei goigonidi naikno igre.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Profet Daniel 2:35

Eghuteuna aean, nei glose ukru, nei bras, nei silva, nei gol, teu igre ne kafe nghuja ne vuhai nakrofu. Kate mei nuri na, nakrofu igre flalo ne tei dofidi. Nu thina teke sukha teke klopa mumuju igne, ne kegra haghe jateula kaisei thogele biꞌo neu ne toku tafrudi namono te gnafa ka nauthoglu igne.

Profet Esikiel 5:2

Kate namo thokeni iagho khukrugna narane te thuru iagho te fakakhana puhi nate ului mae naoka gre namono igne, iagho ginauna hata bukrei khakla ulu lahu na, mala gnubra ke kligna thotoghalegna namono teke eni iagho ana. Fapea bukrei na, iagho ginauna vaevahe tafri ka naflahi ana lithui ke kosigna thotoghale gna namono na. Iagho ginauna koko haghe kligna fatilo bukrei na mala flalo tei tafri ka nuri, ka puhi igne naiknore ginauna filoni puhi nate ngolhidi mare nogu naiknore iara ka nogu naflahi iara na.