Nodi Khoje Hatimare Mae Jiu 66:15 - Buka Blahi Ka Cheke Holo

¹⁵ Iara ginauna gahu sua sipu te blokha gre ke kligna nou olta. Iara ginauna gahu sipu gre mala haghe khujogna na ka iagho. Uve, iara na jaola fafara buluka nei nanigot teu gre ka iagho.

Nodi Khoje Hatimare Mae Jiu 66:15 ပူးပေါင်းရင်းမြစ်များ

Nodi Khoje Hatimare Mae Jiu 51:19

Eghuteuna iagho ginauna keli tamu fara ka buluka te gahu ghehati ka khaꞌaghi te fafara ari ka iagho na. Uve, ghehati ginauna na gahu buluka nalhaꞌudi ke kligna olta mala fafara ari ka iagho, naugna iagho ne togho ghami ghehati.

Profet Jeremaea 41:5

nhanasalei mae mei funudi ka namono Sekem, Saelo, nei Samaria. Mare mei ne namo Mispa. Mare atha mei keha wit, nei insens mala fafara ka Sugablahi na. Mare ghoighori gremohodire nei rerheku nodi pohere, eghuteuna mare vaevahe thinidire, fagaglana gna nodi diꞌanagnafa na.

Fapea Samuel 6:13

Kate pala te funu nolo mae te palare, mae Devet ne chekedi mare mala ofou katha vido. Aonu mana ne aknu falehe kaisei buluka nalhaꞌugna, nei kaisei sua buluka te blokha ne fafara ka Lord.

Naba 6:14

Jare mana ginauna mei fafara kaisei sipu nalhaꞌu gna te kaisei finogha te theome au thubu ka guligna na. Sipu igne mala fafara nei gahu eghu. Eghuteuna jaola ke fafara kaisei sipu gaꞌase gna te kaisei finogha te theome au thubu ka guligna na. Sipu igne fafara mala fa glaglanagna te doglo mana ka tathagu iara na. Eghuteuna jaola ke fafara kaisei sipu nalhaꞌu gna te theome au thubu ka guligna na. Sipu igne fafara mala fa glaglanagna te au fakeli mana balugu iara na.

Esra 8:35

Ghehati te gnafa iheire teke pulo mei funu Babilonia ra, ghehati hata neke mei glepo mala fafara ka God gna Israel. Malagna fafara te gahu te krono fara igne, ghehati hata nabotho phei buluka nalhaꞌudi nanaba ka nabotho phei vikegna Israel, eghuteuna nhevasalei namno sipu nalhaꞌudi, eghuteuna fitusalei fitu sua sipu nalhaꞌudi. Eghuteuna ghehati jaola hata nabotho phei nanigot nalhaꞌudi mala fafara mala hata fadelei Lord nakhibodi re. Igre unha teke fafara ghehati ka Lord.