Nodi Khoje Hatimare Mae Jiu 66:10 - Buka Blahi Ka Cheke Holo

¹⁰ God, iagho neke fariuriudihi nakarhami ghehati gre mala gae jateula mae te gahu silva te mala khoko thonagna na ia eghu.

Nodi Khoje Hatimare Mae Jiu 66:10 ပူးပေါင်းရင်းမြစ်များ

Profet Isaia 48:10

Iara magnahaghei ghami ghotilo te mala klino, nu iara theome gahu ghami ghotilo ka khaꞌaghi jateula kaisei mae te gahu silva ka khaꞌaghi te mala koko thonagna na ia eghu. Nu iara lisa lao ghami ghotilo ka thua nafnata naꞌau papara mala koko ghotilo puhi te diꞌa te edi ghotilo are.

Nodi Khoje Hatimare Mae Jiu 17:3

Iagho laseni gaoghathogu iara na. Bongi thongana na iagho neke mei fariuriuni nakarhagu iara na. Iagho neke theome filoni kaisei puhi te diꞌa ka iara.

Proveb 17:3

Naikno na tangomana te fariuriudi gol ghe silva ka khaꞌaghi. Nu Lord na tangomana te fariuriuni thiꞌagna naikno na.

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Diutronomi 13:3

Nu ghotilo thosei leghuni nogna cheke mae profet tuana. Lord nomi God ghotilo na, mana tangomana te fariuriu ghami ghotilo mala laseni jame ghotilo te thofno namhani mana ka nagnafami fateote'o nei ka gaoghathomi fateote'o.

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.

Proveb 25:4

Hata koko thona ka silva na, eghuteuna kaisei mae te lase loku ka silva tangomana te eni famane glepo tagna.

Profet Malakai 3:3

Eghume mana na jateula tuana eghu na fatedi mae pris igre mala gae, eghuteuna mare ginauna hogri nagnafa mala atha mae pris fafara gano te keli ka puhi te doglo.