Nodi Khoje Hatimare Mae Jiu 65:9 - Buka Blahi Ka Cheke Holo

⁹ Iagho falalase ka naiknore te reireghini teu iagho nauthoglu igne, naugna iagho ne snakre meini ne u nakhete na mala fabuabublani glose na mala gri haghe kmana gano. God, iagho neke edi khoꞌu gre mala fodu fabrahu, eghuteuna eni glose gne mala karha te vuragha gano na maladi naiknore. Igne puhimu iagho.

Nodi Khoje Hatimare Mae Jiu 65:9 ပူးပေါင်းရင်းမြစ်များ

Nodi Khoje Hatimare Mae Jiu 46:4

Jare ka namonogna God, mae ihei te blahi fara na au kaisei khoꞌu biꞌo te mala faglealeꞌadi naikno te tufru soruni mana ka namono tuana.

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Profet Jeremaea 5:24

Iara kuru mei nakhete ka narane te mala joꞌu nei ka narane te mala karha gano nei narane te mala ghano nagare teu ghotilo ka finogha igre. Nu ghotilo theome ghatho tahu ghau iara God, nomi Lord.

Thoutonu Eigna Rut 1:6

Kate nomhini Naomi God te kokhonidi naiknodi Israel gre te toghodi ka gano na, naꞌa ne tarabana mala ke figri Juda baludi phei nanghognare. Aonu kate tei teu retilo ka nabrou na,

Jenesis 26:12

Mae Isak tobi ne joꞌu sisi ka glose tuana. Eghuteuna ka finogha tuana mana ne au ghegna gano kmana fara, naugna Lord neke fablahini mana.

Mae Khuru 14:17

Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Nodi Khoje Hatimare Mae Jiu 147:14

Mana tusu ranghi ghita pharikeli mala au fakeli tahati ka kantri igne, nei tusu ranghi ghita gano te keli mala glealeꞌa tahati.

Nodi Khoje Hatimare Mae Jiu 107:37

Mare tobi neke joꞌu grep. Aonu mare neke au ghedi kmana gano nei sisi eghu ka nagare.

Nodi Khoje Hatimare Mae Jiu 65:11

Iagho thofno lolokeli ranghi ghami ghehati ne fabruara kmana gano. Ka vido aheva te tei iagho na iagho tusu mei kmana gano ka naiknore.

Levitikas 26:4

iara ginauna kuru mei nakhete malami ghotilo ka thofno narane gna na, mala tangomana ghotilo te au ghemi kmana gano ka nomi glose ghotilo re, eghuteuna nomi gaju ghotilo re tangomana jaola te au kmana sisi na.

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Profet Isaia 41:5

Kate filodi glepo igre, naikno te gnafa te au ka vido te khaba igre ginauna fififri nei mhaghu nodi fara eghu.

Profet Daniel 4:2

Iara magnahaghei te cheke ka ghotilo eidi fagaglana nei kofubobhoi eghu te edi God mae ihei te fnakno kligna lahu te fakakhana ka tahati igre.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’