Nodi Khoje Hatimare Mae Jiu 65:8 - Buka Blahi Ka Cheke Holo

⁸ Naikno te gnafa heva te heva ka nauthoglu igne mhaghu nodi fara kate filodi glepo te biꞌo te edi iagho igre ne ghatho tahu nigho iagho. Naiknogna nauthoglu igne ne kelitadi fara ka gloku te edi iagho igre ne thagru fabiꞌo funu ka keha philegna nauthoglu na ne tei posa ka keha phile na.

Nodi Khoje Hatimare Mae Jiu 65:8 ပူးပေါင်းရင်းမြစ်များ

Nodi Khoje Hatimare Mae Jiu 148:3

Ghopa naprai ghe glabara, ghopa mala kilo fnaknoni mana. Uve, ghotilo nathunura, ghotilo jaola kilo fnaknoni mana.

Nodi Khoje Hatimare Mae Jiu 136:8

Aonu, mana neke vuavuhani naprai gne mala funei frunini narane na. Mana ne namha ghita tahati tifa tifa.

Nodi Khoje Hatimare Mae Jiu 126:2

Ka narane tuana tahati maꞌe nei koje eghu, naugna tahati neke thofno glealeꞌa fara ngala. Aonu naikno te theome laseni Lord teure ne cheke eghu, “Lord na la edi glepo te biꞌo fara igre la toghodi naiknodi Israel gre.”

Nodi Khoje Hatimare Mae Jiu 74:16

Iagho neke vuavuha narane nei bongi teu gre, eghuteuna iagho neke lilisei naprai nei glaba teu gre ka mala au ka maloa na.

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Nodi Khoje Hatimare Mae Jiu 135:9

Mana jaola neke edi kofubobhoi nei fagaglana eghu jare Ijep mala parani nodi mae king mare na nei nogna mae biꞌo te gnafa mana re.

Nodi Khoje Hatimare Mae Jiu 19:5

Naprai na phage haghe hamerane boibongi jateula mae teke tolaghi majaghani la te glealeꞌa te jifla mei ka nogna chogho na ia eghu. Naprai na glealeꞌa te leghuni nogna nabrou na, jateula mae te lase chari te tarabana te mala chari ia eghu.

Nodi Khoje Hatimare Mae Jiu 2:8

Iagho tore ghau iara mala funei frunidi naikno te gnafa, nei namono te gnafa teu ka nauthoglu igne. Iara na snakre aridi ka iagho mala reireghidi iagho.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Nodi Khoje Hatimare Mae Jiu 65:13

Uve, thogele gre fodu ka sipu nei nagare te au ka sare te gnafa ne kafe fodu ka gano. Eghuteuna gobigna lepo te au ka vido te gnafare kafe koje, naugna ne kelitadi fara.

Thoutonu Eigna Mae Job 38:12

“Ba, iagho neke chekeni hamerane na mala thakle haghe leuleghu narane? Ba, neke nomhi nigho iagho?

Jenesis 8:22

Uve, ginauna na au nhigra mala joꞌu nei mala dokha, nei nhigra mala reka nei mala brana, nei nhigra mala nakhete nei mala naprai, nei vido narane mala phae nei mala romno. U nafnata vido igre ginauna na theome gnafa kate aunga teu nauthoglu igne.”

Nodi Khoje Hatimare Mae Jiu 89:10

Iagho neke faleheni mogo biꞌo ka thongna te kiloi Rehab. Uve, iagho neke tapla sorudi nou naokare ka nou nolaghi biꞌo na.

Nodi Khoje Hatimare Mae Jiu 107:29

Mana neke cheke ranghini nuri na mala snoto, nei thongna na ne muana.

Profet Isaia 17:13

Nu neuba mare ne chari ne mei jateula galo biꞌo te longa te poha mata ra neu ka tahati, kate cheke Lord ka mare na, mare ginauna kafe figri na rikha. Eghuteuna mana na ngolhi fajifladi mare, eghuteuna mare na flalo jateula khakla gaju moja te flalo te tei ka nuri ra eghu kolho.