Nodi Khoje Hatimare Mae Jiu 65:2 - Buka Blahi Ka Cheke Holo

² Naugna te nomhidi iagho nomi tharai ghehati gre, naikno te gnafa ka namono te gnafa gre ginauna na ari mala fafara ka iagho.

Nodi Khoje Hatimare Mae Jiu 65:2 ပူးပေါင်းရင်းမြစ်များ

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Profet Isaia 66:23

Ka Gaghamu Khafa leuleghu nhigra, nei narane Sabat te gnafa teu igre, naiknodi kantri te gnafa igre ginauna mei pogho soru ka iara agne Jerusalem.

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Nodi Khoje Hatimare Mae Jiu 66:19

Nu iara neke cheke thakledi ka God nakhibogure eghuteuna mana na la nomhidihi nogu tharai iara re eghu.

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Fapea Kronikols 33:13

Lord nomhini nogna tharai mana na ne kokhoni nognani, aonu Lord snakreni mana mala ke pulo funei fruni Jerusalem. Naugna igne King Manase thofno laseni te Lord ngala God na.

Ululahu Kings 18:37

Lord, fanomho mei ka nogu tharai iara gne, eghuteuna iagho eni jateula unha te toreni iara igne eghu. Eghuteuna naikno te kegra teu agne gognaro igre, ginauna laseni te kaisei iagho ngala God te tutuani na. Eghuteuna iagho ginauna tuthughu nagnafadi naikno igre mala ke pulo mei ka iagho.”

Nodi Khoje Hatimare Mae Jiu 66:4

Naikno te gnafa ka nauthoglu igne mare tufru soru nigho. Mare koje ne pala hagheni nanghamu na.”

Nodi Khoje Hatimare Mae Jiu 102:17

Mana ginauna nomhidi noda tharai tahati gre, eigna tahati gne theo kaisei namonoda aheva te mala au na.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Jone 12:32

Ka narane nate tupijuru ghau iara mare ke kligna gaju fafatha na, iara na salo fodu mei naiknore ka thegu.”

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Ululahu Kings 18:29

Naublatha thongana na te ghilei thokeni vido mala fafara fei grafi na, mare eha fabiꞌo jateula naikno te noli ra neu. Nu theo kaisei cheke tughu te mei ka mare na, theo kaisei naikno te fanomho ka mare na, eghuteuna theo kaisei god te fanomho ka nodi cheke mare igre.

Nodi Khoje Hatimare Mae Jiu 66:13

Iara ginauna gahu nogu fafara na ka sugamu iagho na. Uve, iara ginauna tusu ari glepo teke kulu nhaꞌa chekedihi iara ka iagho ra.

Nodi Khoje Hatimare Mae Jiu 116:14

Ka tathadi nogna naikno God te salo fodu mei tarai teu igre iara ginauna tusu ranghini mana gobigna lepo teke nhaꞌa cheke iara ka mana ra.

Nodi Khoje Hatimare Mae Jiu 116:18

Ka tathadi nou naikno iagho te salo fodu mei tarai ka nou Sugablahi iagho na Jerusalem igre, iara ginauna tusu ari glepo teke nhaꞌa chekedi iara ra. Tahati cheke fakelini Lord!

Profet Nahum 2:1

Neuba nodi naoka mae Israel igre ne mei goigoni nodi namono nei hata nodi glepo te keli mae Israel igre neu, nu Lord ginauna toghodi mare mala ke keli fapulo, eghuteuna mana ginauna nake tusu fapulo nafnakno biꞌo nei nolaghi teu igre ka mare. Ghotilo naiknomi Ninive ra! Naoka te au nodi nolaghi te mala goigoni ghami ghotilo igre la meihi mala magra ka ghotilo. Ghotilo lilisei soldia ke kligna bara thina gna namono igne! Ghotilo reireghi fakeli nabrou are! Ghotilo tarabana nomi armi ra mala magra!