Nodi Khoje Hatimare Mae Jiu 65:11 - Buka Blahi Ka Cheke Holo

¹¹ Iagho thofno lolokeli ranghi ghami ghehati ne fabruara kmana gano. Ka vido aheva te tei iagho na iagho tusu mei kmana gano ka naiknore.

Nodi Khoje Hatimare Mae Jiu 65:11 ပူးပေါင်းရင်းမြစ်များ

Nodi Khoje Hatimare Mae Jiu 103:4

Mana ne lolokeli ghau nei kokhoni ghau eghu iara ne hata fadelei ghau iara ka glehe.

Nodi Khoje Hatimare Mae Jiu 5:12

Lord, iagho fablahidi naikno te leghudi nou chekere. Iagho na jateula greoreo eghu mala reireghi fakelidi naiknore.

Nodi Khoje Hatimare Mae Jiu 36:8

Iagho au kmana gano ka sugamu na, eghume ghehati theome kmoꞌe ka gano na. Leuleghu fata na puhimu iagho te keli na jateula khoꞌu biꞌo te snakreni iagho te tei koꞌu ghehati tagna ia eghu.

Profet Hagae 2:19

Neubane gnafahi ghemi gano ghotilore, eghuteuna gaju grep, nei gaju fig nei pomegranet teu igre ginauna theome tangomana te ure na, nu gognarona, ghotilo ginauna au ghemi kmana gano te keli te mala ghamu na. “Iara ginauna thofno fablahi ghami ghotilo!”

Proveb 14:18

Mae te theome lalase na, mana hata gaoghatho fameomekro. Nu naikno te au tagna gaoghatho te keli na, hata glalase.

Profet Malakai 3:10

Ghotilo atha mei ka iara fabothodi unha teke atha ghotilo ka nagare are mala kmana ghedi gano nogu mae gloku iara gre. Te eghu ghotilo na, iara ginauna na thofno fablahi ghami ghotilo, eghuteuna ghotilo ginauna na theome kmoꞌe ka gano na. Ginauna ghotilo na laseni unha te chekeni iara igne thofno tutuani fara.

Profet Joel 2:14

Jame te figri mei ghotilo ka Lord noda God na, mana tangomana teke tughu gaoghatho teke kokhoni ghita, nei fablahi ghita teu te mala ke kmana gheda gano na. Eghuteuna tahati ginauna tangomana teke fafara gano nei waen teu ka Sugablahi igne.

Nodi Khoje Hatimare Mae Jiu 25:10

God na tutuani ranghidi nei namhadi eghu koba naikno te leghudi nogna nhaꞌa cheke nei nogna vetula teure.

Nodi Khoje Hatimare Mae Jiu 104:3

Eghuteuna iagho neke hohoro nou suga na ka maloa. Iagho neke eꞌei grokho na mala jateula nou chariot eghu, mala saghe kate gaghafa teu nuri na.

Letas Teke Riso Tei Mae Pol Ka Khiloau Rom 11:17

Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Thoutonu Eigna Mae Job 36:28

Eghuteuna mana lilisei khoꞌu igne ke lamna khoveo mala soru mei jateula nakhete eghu ranghidi naikno fateote'o.

Diutronomi 11:12

Lord nomi God ghotilo igne mana reireghi fakelini glose igne. Leuleghu narane na mana filo tongana ni, funu ka vuvuhagna finogha na tei posa ka gnafagna finogha na.

Thoutonu Eigna Mae Job 5:10

Mana kuru soru mei nakhete ka glose, nei khoꞌu ka nagare.

Nodi Khoje Hatimare Mae Jiu 68:10

Nou naikno iagho re neke hohoro nodi namono jare ka glose tuana, eigna puhimu iagho na ne thofno keli fara ne faghedi gano fabrahu naikno te kuma re.

Nodi Khoje Hatimare Mae Jiu 104:13

Iagho kuru mei nakhete funu kligna mala soru mei ke kligna thogele mala fakeligna glose na mala karha gobigna lepo teke vuavuha iagho re.