Nodi Khoje Hatimare Mae Jiu 64:8 - Buka Blahi Ka Cheke Holo

⁸ God ginauna paradi mare eidi nodi cheke mare te diꞌa tuare. Iheire te filodi mae igre na mare ginauna maꞌedi mare.

Nodi Khoje Hatimare Mae Jiu 64:8 ပူးပေါင်းရင်းမြစ်များ

Proveb 18:7

Nogna cheke mae te fameomekro na, goigonini thegna. Eigna nogna cheke mana igre jateula phighoro eghu malagna thegna.

Proveb 12:13

Mae te diꞌa na khale ka nogna cheke thegna te diꞌa na. Nu puhi biꞌo na theome thokeni mae te doglo na.

Nodi Khoje Hatimare Mae Jiu 140:9

Thosei snakredi sagho mae naokare mala tapla fapari ghau iara ka magra na. Ke figri sagho nodi fangiri ngiri nei cheke te diꞌa teu are mala ke pulo ka thedi.

Luku 19:22

“Mae funei na ne cheke eghu ka mana, ‘Iagho mae gloku diꞌa fara! Iara na hata nou cheke themu iagho tuana mala fate nigho iagho! Naugna te chekeni iagho na, iagho lase ghauhi iara kaisei mae te ninhigrana puhigu na, hata fajifla sileni teke lilisei keha mae ka banki nei hata gano ka nagare teke joꞌu keha maei teu gne.

Matiu 21:41

Hatimare mae pris nei hatimare mae biꞌo teure ne cheke eghu ka mana, “Mana na kafe falelehe naikno te diꞌa tuare. Eghuteuna mana na snakre lao ka keha mae delei nagare tuana. Mare ginauna na tusu fapulo ka mana unha teke nabagna mana ka narane te ghanogna nagare tuana.”

Profet Nahum 3:7

Eghuteuna naikno te gnafa te filo ghami ghotilore ginauna rhana nodi fara na suaraghi fapulo rikha. Mare ginauna na cheke eghu, Namono biꞌo Ninive igne la thofno diꞌa fara gognarona. Ihei gne nate tanhi ni na? Theo kaisei naikno nate diꞌanagnafa na!”

Profet Jeremaea 48:27

Ghotilo naiknomi Moab. Jau ghotilo kela ghatho ihonihi teke maꞌedi ghotilo maedi Israel gre tifara. Uve, ghotilo neke cheke fadiꞌadi mare, jateula naikno te cheke fadiꞌani naikno te blau ra neku.

Profet Jeremaea 18:16

Aonu nodi glose mare na ginau thofno diꞌa fara, eghuteuna naikno te gnafare ginauna cheke faparini glose igne. Iheire te liu tagna na ginauna rhana nodi fara cheke fadiꞌadi mare.

Nodi Khoje Hatimare Mae Jiu 31:11

Nogu naoka iara re cheke fahaehaghe fara ka iara. Tulao, mae kheragu iara gre mare thono cheke fadiꞌa ghau iara. Eghuteuna mae kheragu iara gre mare thono mhaghu ghau iara. Kate filo ghau iara ka nabrou na mare rikha ghau iara.

Nodi Khoje Hatimare Mae Jiu 22:7

Naiknore filo mei ka iara ne maꞌe ghau iara. Mare kmisu ghau iara ne bliubliu pha'udire.

Thoutonu Eigna Mae Job 15:6

Theome iara te chekeni ne diꞌa iagho teuna, nu ka nou cheke themu iagho are te falalaseni ne diꞌa iagho teuna.

Thakle 18:10

Mare ginauna kegra delei kolho, naugna mare mhaghuni fara papara te thokeni namono igne. Eghuteuna mare ginauna cheke eghu, “Icho idomi, puhi biꞌo na mei ka ghotilo naikno te au Babilon! Ghotilo te au ka namono biꞌo te nolaghi nei dedei fara, nu ka katha vido kolho te thoke ghami ghotilo papara na.”

Thakle 18:4

Aonu iara ne nomhini keha cheke na ne cheke eghu mei funu kligna, “Ghotilo nogu naikno iara ra, jifla Babilon! Naugna iara theome magnahaghei ghami ghotilo te gnognoro jateula te edi naikno igre eghu. Iara theome magnahaghei te para ghami ghotilo jateula naꞌa eghu.

Nodi Khoje Hatimare Mae Jiu 59:12

Nakhibo na au fabrahu ka foflodire eigna nodi chekere thono diꞌa fara. Te keli na nodi puhi fahaehaghe thedi tuare mala ke fakokhoanadi kolho thedi. Eigna mare tibri ghami ghehati na nei chaichaghi koba eghu.

Nodi Khoje Hatimare Mae Jiu 52:6

Naikno te keli re ginauna filoni glepo igne na mhaghu nodi fara. Mare ginauna maꞌe nigho iagho na cheke eghu, “Filo si ghotilo ka mae igne. Mana theome fatutuani ni God te mala fakarhini na. Dedei nei puhi te diꞌa teu are kolho te fatutuanidi mana re!”

Nodi Khoje Hatimare Mae Jiu 9:3

Kate filo ari nigho na, nogu naoka iara gre ne kafe rikha, eghuteuna mare ne kafe khoko soru pari ne lehe.

Naba 16:34

Naikno te gnafa Israel re ne rikha kate nomhidi tanhidi mare re. Mare ne eha eghu fabiꞌo, “Rikha noda! Glose igne jaola na tomno ghita tahati!”

Nodi Khoje Hatimare Mae Jiu 144:6

Kuru meini sagho u nakhafli ana mala rikha sopa thei nogu naoka iara gre. Uve, fada jatadi sagho mala rikha mare.