Nodi Khoje Hatimare Mae Jiu 63:9 - Buka Blahi Ka Cheke Holo

⁹ Naiknore magnahaghei te falehe ghau iara, nu mare ginauna tei ka namonodi naikno tela lehehira eghu.

Nodi Khoje Hatimare Mae Jiu 63:9 ပူးပေါင်းရင်းမြစ်များ

Nodi Khoje Hatimare Mae Jiu 55:15

Gaoghatho te diꞌa na la kulu fodu hi ka thi'adi nei sugadi teu nogu naoka iara re. Eghume iara magnahaghedi mare te mala ghosei te lehe na. Kate karha nga teuna, mare mala kafe tei ka namonodi mae tela lehehira.

Nodi Khoje Hatimare Mae Jiu 40:14

Keha naiknore magnahaghei te falehe ghau iara. Te keli na sagho tapla sorudi mala mamaja nodi kolho mare. Eghuteuna keha naiknore keli tadi fara kate diꞌanagnafa iara na. Te keli na iagho brue fapulodi mala theo nafudi mare.

Nodi Khoje Hatimare Mae Jiu 9:17

Naikno te diꞌa te figri tagruni God teu are ginauna tei ka namonodi naikno tela lehehira mala luvu fabrahu kolho jare.

Nodi Khoje Hatimare Mae Jiu 86:13

Nou namha iagho ranghi ghau iara na thono biꞌo fara. Uve, iagho neke fakarhi ghau iara kau glehe.

Ululahu Samuel 25:29

Neuba ihei ne ngolhi nigho mala falehe nigho neu, Lord ginauna reireghi nigho jateula mae te reireghidi nogna glepo ra eghu. Mana ginauna koko soru nou naoka iaghore pari, jateula mae te koko soru thina te plulu ka khoꞌura eghu.

Profet Isaia 14:19

Nu iagho na theo. Mare ginauna theome giugilu thinimu iagho na, nu mare na koko tei kolho thinimu iagho na mala boto jateula chara eghu. Ke kligna thinimu iagho na, mare ginauna koko thinidi mae soldia teke lehe balumu iagho ka magra ra. Eghuteuna naiknore ginauna tapla ke klignami ghotilo.

Profet Isaia 14:15

Nu theo eghu. Gognarona iagho soru ka Beku baludi iheire tela lehehi ra. Namono te au iagho tuana mamhara fara salaꞌudi keha vidore.

Profet Isaia 14:9

“King! Beku na mare la tarabanahi te mala soru iagho jare. Eghuteuna tharungadi iheire teke baubatu ka nauthoglu igne ra mare ginauna dofra haghe mala cheke fakeli nigho iagho. Uve, tharungadi mae king ka nauthoglu igne ginauna kegra haghe ka nodi sape nafnaknore mala ari thafo nigho iagho.

Nodi Khoje Hatimare Mae Jiu 70:2

Keha naikno magnahaghei te falehe ghau iara. Iagho tapla sorudi pari mala mamaja mare. Kehare kelitadi kate au diꞌanagnafa iara na. Kuru fapulodi sagho mala mamaja nodi fara mare.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Nodi Khoje Hatimare Mae Jiu 35:26

Iheire te glealeꞌa kate filoni te diꞌanagnafa iara na, te keli na iagho famamajadi nei faꞌihodi eghu mare. Tapla sorudi sagho mae iheire ne au doglohi thedi ke ulugu iara teu are mala mamaja nodi kolho mare.

Nodi Khoje Hatimare Mae Jiu 35:4

Mae igre magnahaghei te mei te falehe ghau iara. Mei sagho mala tapla sorudi pari naikno igre mala mamaja nodi kolho mare. Mae igre roghe nodi te mala goigoni ghau iara na. Fasnividi sagho pha'udire mala ke figri ke pulo mare.

Thoutonu Eigna Mae Job 40:13

Iagho kafe giugiluidi gnafa ke lamna glose. Eghuteuna iagho fadodofu fabrahu tathadi re ke lamna beku.

Mae Khuru 1:25

nate hata sapegna mae khuru teke jifla kokoni mae Judas te tei ka vido aheva te gijagna mana na.”

Ululahu Samuel 28:19

Eghume nathuꞌu na, Lord ginauna toghoni armi gna Filistia mala uluni armi gna Israel. Eghuteuna iagho baludi thilo mae thumu are ginauna mei au balugu iara ka namonodi mae te lehe igre.”

Nodi Khoje Hatimare Mae Jiu 18:36

Iagho neke reireghi fakeli ghau iara mala theome mei hati ghau nogu naokare. Eghume mare theome tangomana te tapla soru ghau iara na.

Famane Khoje 8:5

Ihei site mei funugna ka namono nagou, te loku khame te mei balugna kheragna na gnea? Kheraguo. Iara neke fadofra nigho ke pari gaju sisi te keli, ka vido aheva teke funu bukla idomu iagho, teke karha iagho na.